જો તમારા ડિમેટ ખાતામાં આ 3 શેર છે તો વેચતા નહીં! કંપની આપવાની છે ડિવિડન્ડ, જાણો રેકોર્ડ ડેટ

શેરબજારમાં ડિવિડન્ડથી આવક મેળવતા રોકાણકારો માટે મહત્વના સમાચાર સામે આવ્યા છે. સરકારી ક્ષેત્રની ત્રણ કંપનીઓ SAIL, IGL અને NMDC Limitedએ ડિવિડન્ડની જાહેરાત કરી છે. આ ત્રણેય કંપનીઓની રેકોર્ડ ડેટ નજીક આવી રહી છે. એટલે કે ડિવિડન્ડ મેળવવા માટે રોકાણકારોએ નિર્ધારિત તારીખ પહેલાં આ શેર પોતાના ડીમેટ ખાતામાં રાખવા પડશે.

SAIL આપશે ₹2.35 પ્રતિ શેર ડિવિડન્ડ

PSU કંપની SAILએ પ્રતિ ઇક્વિટી શેર ₹2.35 ડિવિડન્ડ જાહેર કર્યું છે. કંપનીએ ડિવિડન્ડ માટે 30 સપ્ટેમ્બર 2026ને રેકોર્ડ ડેટ નક્કી કરી છે. SAILના શેરની વાત કરીએ તો કંપનીનો ડિવિડન્ડ યીલ્ડ 1.72% છે. શેરે છેલ્લા એક વર્ષમાં લગભગ 35% અને છેલ્લા 6 મહિનામાં લગભગ 21% રિટર્ન આપ્યું છે. કંપનીનો ROE એટલે કે રિટર્ન ઓન ઇક્વિટી 7.68% છે.

IGLના રોકાણકારોને મળશે ₹1.50 ડિવિડન્ડ

ગેસ વિતરણ કંપની IGLએ નાણાકીય વર્ષ 2025-26 માટે પ્રતિ શેર ₹1.50ના અંતિમ ડિવિડન્ડની જાહેરાત કરી છે. IGL માટે ડિવિડન્ડ રેકોર્ડ ડેટ 1 ઓક્ટોબર 2026 નક્કી કરવામાં આવી છે. કંપનીનો વાર્ષિક ડિવિડન્ડ યીલ્ડ 2.34% છે. IGLના શેરમાં 2026 દરમિયાન અત્યાર સુધીમાં લગભગ 13.27%નો ઘટાડો જોવા મળ્યો છે, જ્યારે એક વર્ષમાં શેર લગભગ 29% નીચે રહ્યો છે. કંપનીનો ROE 12.73% છે.

આ પણ વાંચો: UPI પેમેન્ટ પર MDR ચાર્જ વૈશ્વિક સ્તરે લાગુ પડશે? જાણો શું કહે છે સરકાર

NMDC આપશે ₹1 પ્રતિ શેર ડિવિડન્ડ

ખનન ક્ષેત્રની PSU કંપની NMDCએ પ્રતિ શેર ₹1 ડિવિડન્ડ જાહેર કર્યું છે. કંપનીએ ડિવિડન્ડ માટે 5 ઓક્ટોબર 2026ને રેકોર્ડ ડેટ નક્કી કરી છે. NMDCનો ડિવિડન્ડ યીલ્ડ 4.38% છે. કંપનીનો ROE 26.46% છે. શેરે છેલ્લા એક વર્ષમાં 4.78%, બે વર્ષમાં 6.43% અને ત્રણ વર્ષમાં લગભગ 68% રિટર્ન આપ્યું છે.

રેકોર્ડ ડેટ પહેલાં શેર રાખવો જરૂરી

ડિવિડન્ડ મેળવવા માટે રોકાણકારો માટે રેકોર્ડ ડેટ મહત્વપૂર્ણ હોય છે. જે રોકાણકારો રેકોર્ડ ડેટ પહેલાં શેર ધરાવે છે, તેઓ જ કંપની દ્વારા જાહેર કરાયેલા ડિવિડન્ડ માટે પાત્ર બને છે. SAIL, IGL અને NMDCના રોકાણકારોએ ડિવિડન્ડ મેળવવા માટે સંબંધિત રેકોર્ડ ડેટ ધ્યાનમાં રાખવી જરૂરી રહેશે.

આ પણ જુઓ

Watch onYouTube