BHIM એપમાં AIની એન્ટ્રી, MyUPIથી પેમેન્ટથી ફરિયાદ સુધીની સુવિધા હવે એક જ જગ્યાએ

NPCIની સંપૂર્ણ માલિકીની પેટાકંપની NPCI BHIM સર્વિસીસ લિમિટેડે BHIM પેમેન્ટ્સ એપમાં MyUPI નામની નવી AI આધારિત આસિસ્ટન્ટ સર્વિસ શરૂ કરી છે. આ નવી સુવિધાનો હેતુ યુઝરને UPI સંબંધિત તમામ કામગીરી એક જ જગ્યાએ સરળતાથી મેનેજ કરવાની સુવિધા આપવાનો છે. MyUPI દ્વારા યુઝર પોતાના નાણાકીય વ્યવહારો જોઈ શકે છે, ફરિયાદ નોંધાવી શકે છે અને પેમેન્ટ સંબંધિત વિવિધ સેટિંગ્સનું સંચાલન કરી શકે છે.

AI આસિસ્ટન્ટથી UPI મેનેજમેન્ટ સરળ બનશે

MyUPI યુઝરને સામાન્ય ભાષામાં વાતચીત કરીને મદદ પૂરી પાડે છે. યુઝરને અલગ અલગ સપોર્ટ ચેનલ પર જવાની જરૂર નહીં પડે. આ સર્વિસ દ્વારા યુઝર બેંક ખાતા અને UPI એપને લિંક કરીને વ્યવહારની માહિતી મેળવી શકે છે અને જરૂરી કામગીરી કરી શકે છે.

5 ભાષામાં ઉપલબ્ધ સેવા

MyUPI હાલમાં અંગ્રેજી, હિંદી, તેલુગુ, તમિલ અને બંગાળી ભાષામાં ઉપલબ્ધ છે. NPCI અનુસાર સમય જતાં આ સેવામાં વધુ પ્રાદેશિક ભાષાઓ ઉમેરવામાં આવશે, જેથી વધુ લોકો સરળતાથી તેનો ઉપયોગ કરી શકે.

AutoPay મેન્ડેટ અને ફરિયાદ મેનેજમેન્ટ

MyUPIથી યુઝર પોતાના UPI AutoPay મેન્ડેટની માહિતી મેળવી શકે છે. તેમાં યુઝર લાગુ પડે તે પ્રમાણે મેન્ડેટને Pause, Resume અથવા Cancel કરી શકે છે. આ ઉપરાંત પેમેન્ટ સંબંધિત સમસ્યા માટે ફરિયાદ નોંધાવી શકાય છે અને તેનો રેફરન્સ નંબર મેળવીને સ્ટેટસ ટ્રેક કરી શકાય છે.

આ પણ વાંચો: Airtel આફ્રિકાની મોટી તૈયારી, લંડનમાં લાવશે $800 મિલિયનનો IPO

પેમેન્ટ સેફ્ટી માટે નવા ફીચર્સ

MyUPIમાં પેયી વેરિફિકેશનની સુવિધા આપવામાં આવી છે, જેથી પેમેન્ટ પહેલાં UPI ID અથવા QR કોડથી માહિતી ચકાસી શકાય. જો યુઝરને ખાતામાં કોઈ શંકાસ્પદ પ્રવૃત્તિ લાગે, ફોન ગુમ થાય અથવા અનપેક્ષિત ડેબિટ જોવા મળે તો તે લિન્ક કરેલા બેંક ખાતાને બ્લોક કરવા માટે સેફ્ટી સ્વિચનો ઉપયોગ કરી શકે છે.

ફ્રોડથી બચવા મળશે મદદ

MyUPIમાં ફ્રોડ અવેરનેસ ફીચર પણ આપવામાં આવ્યું છે. તેના દ્વારા યુઝર શંકાસ્પદ મેસેજ અને સામાન્ય UPI ફ્રોડ અંગે માહિતી મેળવી શકે છે. NPCIનું કહેવું છે કે આ સુવિધા ડિજિટલ પેમેન્ટને વધુ સરળ, સુરક્ષિત અને યુઝર ફ્રેન્ડલી બનાવવાના પ્રયાસનો ભાગ છે.

આ પણ જુઓ

Watch onYouTube