ગૃહમંત્રી અમિત શાહના જન્મદિને સાણંદ GIDCમાં સફાઈ અભિયાન

કેન્દ્રીય ગૃહમંત્રી અમિત શાહના જન્મદિનની ઊજવણીના ભાગરૂપે આજે સાણંદ GIDCમાં સ્વચ્છ ઔદ્યોગિક પરિસર અને ટકાઉ વિકાસને પ્રોત્સાહન આપવા માટે સાણંદ ઇન્ડસ્ટ્રીઝ એસોસિએશન (SIA) દ્વારા ગુજરાત પ્રદૂષણ નિયંત્રણ બોર્ડ (GPCB)ના સહયોગથી સફાઈ અભિયાનનું આયોજન કરાયું હતું.

કેન્દ્રીય ગૃહ અને સહકારીતા મંત્રી અમિતભાઈ શાહના જન્મદિવસના અવસરને ધ્યાનમાં રાખીને યોજાયેલા આ અભિયાનનો હેતુ ઔદ્યોગિક વિસ્તારમાં સ્વચ્છતા જાળવવા ઉપરાંત પર્યાવરણ પ્રત્યે સામૂહિક જવાબદારીનો સંદેશ આપવાનો છે.

SIA અને GPCBના સહયોગથી યોજાયેલી આ સફાઈ ડ્રાઇવમાં ઔદ્યોગિક વિસ્તારને વધુ સ્વચ્છ અને સ્વસ્થ બનાવવાના પ્રયાસો કરાયા હતા. ઔદ્યોગિક એકમો, કર્મચારીઓ અને સ્થાનિક સમુદાયમાં પર્યાવરણ અંગે જાગૃતિ વધારવા માટે પણ આ પહેલ મહત્વપૂર્ણ બની છે.

સાણંદ GIDC ગુજરાતના મહત્વના ઔદ્યોગિક વિસ્તારોમાંનું એક છે. અહીં વિવિધ ક્ષેત્રની કંપનીઓ અને ઔદ્યોગિક એકમો કાર્યરત છે. આવા વિસ્તારોમાં સ્વચ્છતા અને પર્યાવરણનું સંરક્ષણ ઔદ્યોગિક વિકાસ સાથે સીધું જોડાયેલું છે. SIA દ્વારા આ પહેલ મારફતે સ્વચ્છ પર્યાવરણ, સ્વસ્થ સમુદાય અને ટકાઉ ભવિષ્ય માટે સૌને સાથે મળીને જવાબદારી નિભાવવાનો સંદેશ આપવામાં આવ્યો છે.

આ પણ જૂઓ

Watch onYouTube