Gujarat Police Bharti: 12 પાસ માટે ગુજરાત પોલીસમાં 3,000 જગ્યા પર ભરતી, જાણો અરજીની તારીખ
ગુજરાત પોલીસ ભરતી બોર્ડ દ્વારા વર્ગ-3ની લોકરક્ષક અને ટેકનિકલ કેડરની કુલ 3,000 ખાલી જગ્યાઓ પર સીધી ભરતીની જાહેરાત કરવામાં આવી છે. ધોરણ-12 પાસ અને સંબંધિત ટેકનિકલ લાયકાત ધરાવતા ઉમેદવારો 26 નવેમ્બરથી 16 ડિસેમ્બર, 2026 દરમિયાન OJAS વેબસાઈટ પર ઓનલાઈન અરજી કરી શકશે.

Gujarat Police Bharti 2026: રાજ્યમાં સરકારી નોકરીની તૈયારી કરી રહેલા અને ખાખી વર્દી પહેરીને દેશસેવા કરવા ઇચ્છતા લાખો યુવાનો માટે મહત્વના સમાચાર સામે આવ્યા છે. ગુજરાત પોલીસ ભરતી બોર્ડ દ્વારા પોલીસ દળમાં વર્ગ-3ની લોકરક્ષક તથા ટેકનિકલ કેડર (M.T.)માં વિવિધ સંવર્ગની કુલ 3,000 ખાલી જગ્યાઓ સીધી ભરતીથી ભરવા માટે સત્તાવાર જાહેરાત બહાર પાડવામાં આવી છે. આ ભરતી પ્રક્રિયા માટે આગામી 26 નવેમ્બરથી ઓનલાઈન ફોર્મ ભરવાની શરૂઆત થશે.
કઈ કેટેગરીમાં કેટલી જગ્યાઓ પર થશે ભરતી?
ગુજરાત પોલીસ ભરતી બોર્ડની જાહેરાત મુજબ, લોકરક્ષક કેડરમાં કુલ 2,841 જગ્યાઓ ભરવામાં આવશે, જ્યારે ટેકનિકલ કેડર (M.T.)માં પણ વિવિધ જગ્યાઓ પર ભરતી થશે. સંવર્ગ મુજબ જગ્યાઓની વિગત નીચે પ્રમાણે છે:
બિનહથિયારી પોલીસ કોન્સ્ટેબલ (UPC): 1,000 જગ્યા
હથિયારી પોલીસ કોન્સ્ટેબલ (APC): 1,000 જગ્યા
SRPF હથિયારી પોલીસ કોન્સ્ટેબલ: 841 જગ્યા
હેડ કોન્સ્ટેબલ ડ્રાઇવર મિકેનિક ગ્રેડ-2: 133 જગ્યા
મોટર ટ્રાન્સપોર્ટ સુપરવાઇઝર ગ્રેડ-2: 25-26 જગ્યા (વિવિધ જાહેરાત મુજબ)
શૈક્ષણિક લાયકાત શું રહેશે?
લોકરક્ષક કેડરની ભરતી માટે અરજી કરનાર ઉમેદવારોએ કોઈપણ માન્ય બોર્ડમાંથી ધોરણ-12 અથવા તેની સમકક્ષ પરીક્ષા પાસ કરેલી હોવી જરૂરી છે. બીજી તરફ, ટેકનિકલ કેડર (M.T.)ની જગ્યાઓ માટે ધોરણ-12 પાસ ઉપરાંત મોટર મિકેનિક વ્હીકલ ટ્રેડનું સર્ટિફિકેટ અને સંબંધિત એપ્રેન્ટિસશિપની લાયકાત ફરજિયાત છે. ઉમેદવારોને અરજી કરતા પહેલા સત્તાવાર જાહેરાતમાં દર્શાવેલી શૈક્ષણિક લાયકાત, વયમર્યાદા અને શારીરિક કસોટીના નિયમો ધ્યાનથી તપાસી લેવા જણાવાયું છે.
21 દિવસ સુધી ભરી શકાશે ઓનલાઈન ફોર્મ
આ ભરતી માટે ઉમેદવારોને ઓનલાઈન અરજી કરવા માટે કુલ 21 દિવસનો સમય આપવામાં આવ્યો છે. અરજી પ્રક્રિયાની મહત્વપૂર્ણ તારીખો નીચે મુજબ છે:
અરજી શરૂ થવાની તારીખ: 26 નવેમ્બર, 2026 (બપોરે 2:00 વાગ્યાથી)
અરજી કરવાની છેલ્લી તારીખ: 16 ડિસેમ્બર, 2026
અરજીનું માધ્યમ: માત્ર ઓનલાઈન
ક્યાં અને કેવી રીતે કરવી અરજી?
રસ ધરાવતા અને લાયક ઉમેદવારોએ OJASની સત્તાવાર વેબસાઈટ https://ojas.gujarat.gov.in પર જઈને ઓનલાઈન અરજી કરવાની રહેશે. આ ઉપરાંત ભરતી અંગેની તમામ વિગતવાર માહિતી અને સૂચનાઓ ગુજરાત પોલીસ ભરતી બોર્ડની સત્તાવાર વેબસાઈટ https://gprb.gujarat.gov.in પર ઉપલબ્ધ રહેશે. નવી ભરતીની જાહેરાત થતા રાજ્યભરના ઉમેદવારોમાં ભારે ઉત્સાહ જોવા મળી રહ્યો છે.
આ પણ જુઓ
Disclaimer - અહીં આપવામાં આવેલી માહિતી માત્ર જાણકારી અને શૈક્ષણિક હેતુ માટે છે. તેને કોઈપણ શેર, સિક્યોરિટી અથવા નાણાકીય પ્રોડક્ટ ખરીદવા કે વેચવાની સલાહ અથવા ભલામણ તરીકે ન ગણવી. રોકાણ બજારના જોખમોને આધીન છે. કોઈપણ રોકાણ અથવા નાણાકીય નિર્ણય લેતા પહેલાં તમારી નાણાકીય સ્થિતિ, રોકાણના હેતુ અને જોખમ લેવાની ક્ષમતાનું મૂલ્યાંકન કરો અને અધિકૃત નાણાકીય સલાહકારની સલાહ લો.
Also Read

ગુજરાતમાં હોમસ્ટે બિઝનેસ બન્યો વધુ સરળ, સરકારે નિયમોમાં કર્યા મોટા ફેરફાર

Vibrant Gujarat Summit 2027 માટે રોકાણકારોને આમંત્રણ, ગુવાહાટીમાં રોડ-શો

હવે કાર-બાઈક પર જાતિ દર્શાવતાં લખાણ નહીં ચાલે! ગુજરાત સરકારે બદલ્યા નિયમો

અમદાવાદમાં હવાનું પ્રદૂષણ 'જોખમકારક': નરોડામાં AQI 225, કેર હેલ્થ ઇન્શ્યોરન્સે જાહેર કરી એડવાઇઝરી

ગૃહિણીઓનું બજેટ ખોરવાશે: સુમુલ ડેરીએ દૂધના ભાવમાં ₹1 થી ₹6 સુધીનો વધારો ઝીંક્યો, જાણો નવા દર

Vibrant Gujarat Global Summit 2027માં આસામની એન્ટ્રી, બંને રાજ્યોમાં રોકાણની તકો વધશે

ખાદ્ય સુરક્ષા મુદ્દે સરકાર એક્શન મોડમાં, ગુજરાતભરમાં 'ઓપરેશન હેલ્થ' શરૂ





