NSE IPO મારફતે જૂના 10 મોટા શેરધારકોને કરાવશે જંગી નફો

લાંબાગાળાથી રાહ જોવાઈ રહેલો NSEના IPOમાં શેર વેચનારા 10 મોટા સંસ્થાકીય શેરધારકોને મોટો નફો થવાની શક્યતા છે. ₹1,785ના મહત્તમ ભાવ પ્રમાણે વેચાણ માટે મૂકેલા શેરમાંથી કુલ ₹17,035 કરોડ એકત્ર કરશે. આ શેરોની કુલ ખરીદ કિંમત માત્ર ₹534 કરોડ હોવાથી અંદાજિત નફો લગભગ ₹16,501 કરોડ થઈ શકે છે.

નેશનલ સ્ટોક એક્સચેન્જના IPOથી એક્સચેન્જના જૂના શેરધારકોને જંગી નફો થવાની શક્યતા છે. રેડ હેરિંગ પ્રોસ્પેક્ટસ (RHP)માં જાહેર કરવામાં આવેલી ખરીદ કિંમત અને IPOના ₹1,785ના મહત્તમ ભાવના આધારે 10 મોટા શેરધારકો (સેલિંગ શેરહોલ્ડર્સ)ને તેમના શેરમાંથી કુલ અંદાજીત ₹17,035 કરોડ મળી શકે છે.

SBIને સૌથી મોટો નફો

શેર વેચનારા શેરધારકોમાં State Bank of India સૌથી વધુ નફો મેળવનારી બની રહેશે. SBI IPO દ્વારા 1.597 કરોડ શેર વેચશે. બેન્કે આ શેર માત્ર ₹0.80 પ્રતિ શેરના ખર્ચે મેળવ્યા હતા. પ્રાઇસ બેન્ડની ઉપલી મર્યાદા મુજબ, માત્ર રૂ. 1.28 કરોડની એક્વિઝિશન કોસ્ટ સામે આ શેરથી અંદાજે રૂ. 2,851 કરોડની રકમ પ્રાપ્ત થશે.

CPP Investmentsને ₹1,700 કરોડથી વધુનો સંભવિત નફો

Canada Pension Plan Investment Board એટલે કે CPP Investments IPOમાં 1.187 કરોડ શેર વેચશે. તેની સરેરાશ એક્વિઝિશન કોસ્ટ ₹324.13 પ્રતિ શેર છે. વેચાણ માટેના શેરોનો કુલ ખરીદ ખર્ચ આશરે ₹384.9 કરોડ છે, જ્યારે ઉપલા ભાવે તેને લગભગ ₹2,120 કરોડ મળી શકે છે. આ પ્રમાણે CPP Investmentsનો સંભવિત નફો આશરે ₹1,735 કરોડ થઈ શકે છે.

Aranda અને MS Strategicને પણ મોટી કમાણી

મોરેશિયસ સ્થિત Aranda Investments 1.125 કરોડ શેર વેચશે. કંપનીએ આ શેર ₹62.38 પ્રતિ શેરના ભાવે ખરીદ્યાં હતા. તેની કુલ એક્વિઝિશન કોસ્ટ આશરે ₹70.2 કરોડ હતી, જ્યારે વેચાણથી આશરે ₹2,007 કરોડ મેળવી શકે છે. મોરેશિયસ સ્થિત MS Strategic IPO દ્વારા 1.10 કરોડ શેર વેચશે. તેની પ્રતિ શેર ખરીદ કિંમત ₹66.54 અને કુલ એક્વિઝિશન કોસ્ટ આશરે ₹73.2 કરોડ છે. કંપની ઉપલા ભાવે આ શેરમાંથી લગભગ ₹1,964 કરોડ મેળવી શકે છે.

Watch onYouTube

સરકારી વીમા કંપનીઓને જંગી વળતર

New India Assurance Company 1.05 કરોડ શેર વેચશે, જે ₹0.32 પ્રતિ શેરના ભાવે ખરીદ્યા હતા. પ્રાઇસ બેન્ડની ઉપલી મર્યાદા (અપર બેન્ડ) મુજબ માત્ર 33.6 લાખ રૂપિયાની એક્વિઝિશન કોસ્ટ સામે આ વેચાણથી અંદાજે 1,874 કરોડ રૂપિયાની આવક થશે.

General Insurance Corporation of India 61.9 લાખ શેર વેચી આશરે ₹1,104 કરોડ મેળવશે. કંપનીએ શેર ₹5.26ના સરેરાશ ભાવે ખરીદ્યા હતા. તેનો કુલ એક્વિઝિશન કોસ્ટ આશરે ₹3.25 કરોડ છે.

United India Insurance Company 60 લાખ શેર વેચશે. જે ₹0.50 પ્રતિ શેર ₹30 લાખમાં ખરીદ્યાં હતા. IPOના ઉપલા ભાવે કંપનીને આશરે ₹1,071 કરોડ મળી શકે છે.

SBI Capital Markets 87.8 લાખ શેર વેચાણ માટે મૂકશે. કંપનીએ આ શેર ₹0.38 પ્રતિ શેરના ખર્ચે ખરીદ્યા હતા. જેની કુલ એક્વિઝિશન કોસ્ટ આશરે ₹33.4 લાખ થાય છે, જ્યારે ઉપલા ભાવે કંપનીને આશરે ₹1,567 કરોડ મળી શકે છે.

Bank of Baroda IPOમાં 76.9 લાખ શેર વેચશે. જે ₹0.54 પ્રતિ શેરના ભાવે ખરીદ્યા હતા. ઉપલા ભાવે આ શેરના વેચાણથી આશરે ₹1,373 કરોડ મળી શકે છે.

Stock Holding Corporation of India 61.9 લાખ શેર વેચશે અને તેને લગભગ ₹1,104 કરોડ મળવાની શક્યતા છે.

OFSનું કદ ઘટાડાયું

NSE હવે કુલ લગભગ 12.6 કરોડ શેર ઓફર ફોર સેલ મારફતે વેચશે. SBIએ પોતાના વેચાણ માટેના હિસ્સાને અગાઉના 1%થી ઘટાડીને આશરે 0.7% કર્યો છે. SBI Capital Marketsને વધારાના સેલિંગ શેરહોલ્ડર તરીકે સામેલ કરવામાં આવ્યા છે.

આ પણ વાંચો: 2 દિવસમાં Solar Industriesનો શેર 17% તૂટ્યો, Jefferiesએ ખરીદીની ભલામણ કરી