સ્વિફ્ટ પણ પાછળ રહી ગઈ! ₹4.99 લાખની આ મારુતિ કાર પર મળી રહ્યું છે મોટું ડિસ્કાઉન્ટ

Maruti Suzuki: જો તમે આ દિવાળીએ નવી કાર ખરીદવાનું સપનું જોઈ રહ્યા છો, તો મારુતિ સુઝુકી તમારા માટે એક શાનદાર તક લઈને આવ્યું છે. નવેમ્બર 2026 મહિના માટે કંપનીએ પોતાની 'એરેના' (Arena) રેન્જની કાર્સ પર બમ્પર ડિસ્કાઉન્ટની જાહેરાત કરી છે. વિવિધ મોડલ્સ પર ગ્રાહકોને આકર્ષક ડીલ્સ મળી રહી છે, જેમાં ગ્રાહક ડિસ્કાઉન્ટ, દિવાળી બુકિંગ લાભો અને એક્સચેન્જ બોનસનો સમાવેશ થાય છે. સૌથી મોટો ફાયદો વિક્ટોરિસ સ્ટ્રોંગ હાઇબ્રિડ કાર પર છે, જેમાં તમને 1.51 લાખ રૂપિયા સુધીની જંગી બચત થઈ શકે છે. પરંતુ આજે આપણે ખાસ કરીને મધ્યમ વર્ગના પરિવારોની સૌથી માનીતી કાર વિશે વાત કરીશું, જેણે વેચાણના મામલે સ્વિફ્ટ (Swift) અને ડિઝાયર (Dzire) જેવી લોકપ્રિય કાર્સને પણ પાછળ પાડી દીધી છે.

વેગનઆર અને અન્ય મોડલ્સ પર શાનદાર ઑફર્સ

જી હા, આપણે વાત કરી રહ્યા છીએ મારુતિ સુઝુકી વેગનઆર (WagonR) વિશે. તાજેતરના સેલ્સ ડેટા મુજબ, વેગનઆર ગ્રાહકોની પહેલી પસંદ બની ગઈ છે. આ નવેમ્બરમાં નવી વેગનઆર ખરીદવા પર ગ્રાહકોને મહત્તમ 64,600 રૂપિયા સુધીનો ફાયદો મળી રહ્યો છે. વેગનઆર ઉપરાંત કંપની Alto K10 અને Celerio પર 54,600 રૂપિયા સુધીનું, નવી Swift પર 50,100 રૂપિયા સુધીનું અને મિની એસયુવી ગણાતી S-Presso પર 37,500 રૂપિયા સુધીનું આકર્ષક ડિસ્કાઉન્ટ આપી રહી છે.

જો તમે ખાસ વેગનઆર લેવાનું મન બનાવી લીધું છે, તો તેના પેટ્રોલ વેરિયન્ટ પર તમને 64,600 રૂપિયા સુધીની છૂટ મળશે. જેમાં LXi 1.0-લિટર મોડલ પર 35,000 રૂપિયાની સીધી ગ્રાહક ઑફર છે, જ્યારે અન્ય પેટ્રોલ વેરિયન્ટ્સ પર 30,000 રૂપિયાનું ડિસ્કાઉન્ટ છે. જે લોકોને સીએનજી (CNG) મોડલ લેવું છે, તેમને પણ 54,600 રૂપિયા સુધીના લાભો અપાઈ રહ્યા છે. કિંમતની વાત કરીએ તો 2026 મોડલની વેગનઆર 6 એન્જિન અને ટ્રાન્સમિશન વિકલ્પોમાં ઉપલબ્ધ છે. તેના બેઝ મોડલ (1.0L પેટ્રોલ મેન્યુઅલ LXi) ની એક્સ-શોરૂમ કિંમત 4.98 લાખ રૂપિયાથી શરૂ થાય છે, જ્યારે તેના ટોપ મોડલ ફ્લેક્સ ફ્યુઅલ ZXi પ્લસ (1.2L પેટ્રોલ મેન્યુઅલ) ની કિંમત 7.23 લાખ રૂપિયા રાખવામાં આવી છે.

એન્જિન પર્ફોર્મન્સ અને માઈલેજ

વેગનઆર મુખ્યત્વે બે દમદાર પેટ્રોલ એન્જિન વિકલ્પો સાથે આવે છે:

1.0L સ્ટાન્ડર્ડ પેટ્રોલ એન્જિન: આ એન્જિન 68.5 PS નો પાવર અને 91.1 Nm નો ટોર્ક જનરેટ કરે છે. તે મેન્યુઅલ અને ઓટોમેટિક (AMT) એમ બંને ગિયરબોક્સ સાથે મળે છે. જેઓ મુખ્યત્વે શહેરમાં જ ડ્રાઇવિંગ કરે છે અને કારનું બજેટ ઓછું રાખવા માંગે છે તેમના માટે આ ઉત્તમ વિકલ્પ છે.

1.2L સ્ટાન્ડર્ડ પેટ્રોલ એન્જિન: જો તમારું બજેટ થોડું વધારે હોય તો આ એન્જિન બેસ્ટ છે. તે 90.9 PS નો પાવર અને 113.7 Nm નો પાવરફુલ ટોર્ક આપે છે. તે માઇલેજ સાથે કોઈ જ સમાધાન કર્યા વિના શ્રેષ્ઠ પર્ફોર્મન્સ અને સ્મૂથ ડ્રાઇવિંગનો અહેસાસ કરાવે છે. આ ઉપરાંત કંપની તેના CNG વેરિઅન્ટમાં 33.47 કિમી/કિલો સુધીની જબરદસ્ત માઇલેજનો દાવો કરે છે.

ડિઝાઇન, સ્પેસ અને નવા ફીચર્સ

ડિઝાઇનના મામલે વેગનઆર દેખાવ કરતાં વ્યવહારિકતા (Practicality) ને વધુ પ્રાધાન્ય આપે છે. તેની ઊંચી છત, સીધા પિલર્સ અને મોટી બારીઓ તેને રસ્તા પર એક અલગ જ લુક આપે છે. આ બોક્સી ડિઝાઇનને કારણે કેબિનની અંદર બેસવાની વિશાળ જગ્યા મળે છે અને ડ્રાઇવરને બહારનો ઉત્તમ વ્યુ મળે છે. તેના બેઝ વેરિયન્ટ્સમાં સ્ટીલ વ્હીલ્સ અને બ્લેક એક્સટીરિયર જેવા બેઝિક ફીચર્સ છે. જ્યારે તેના ટોપ ZXi પ્લસ વેરિયન્ટમાં એલોય વ્હીલ્સ, ફ્રન્ટ ફોગ લેમ્પ્સ, સાઇડ મિરર પર ટર્ન ઇન્ડિકેટર્સ, રીઅર વાઇપર-વોશર, રીઅર ડિફોગર અને ડ્યુઅલ-ટોન કલર ઓપ્શન આપવામાં આવ્યા છે જે તેને એકદમ સ્પોર્ટી લુક આપે છે.

કારની કેબિનમાં સ્પેસ અને આરામનું પૂરતું ધ્યાન રખાયું છે. તેની ઊંચી છતને લીધે માથા ઉપર ઉત્તમ જગ્યા (હેડરૂમ) મળે છે, અને સીધી બેઠકો હોવાથી કારમાં બેસવું અને બહાર નીકળવું ખૂબ સરળ બને છે. ખાસ જરૂરિયાતવાળા લોકો માટે મારુતિ પસંદગીના ડીલરશીપ પર 'સ્વિવલ-સીટ કીટ' નો વિકલ્પ પણ આપે છે. ફીચર્સની વાત કરીએ તો તેમાં 7-ઇંચની ટચસ્ક્રીન ઇન્ફોટેનમેન્ટ સિસ્ટમ મળે છે જે વાયર્ડ એન્ડ્રોઇડ ઓટો અને એપલ કારપ્લેને સપોર્ટ કરે છે. સામાન મૂકવા માટે પેટ્રોલ અને ફ્લેક્સ ફ્યુઅલ મોડલ્સમાં 335-લિટરની મોટી બૂટ સ્પેસ મળે છે, જોકે CNG વેરિયન્ટમાં સિલિન્ડરને કારણે તમારે બૂટ સ્પેસમાં થોડી બાંધછોડ કરવી પડશે.

આ પણ વાંચોઃ દિવાળીએ નવી કાર ખરીદવી છે? ₹10 લાખથી ઓછા બજેટમાં આ 3 કાર છે બેસ્ટ, ખરીદતાં પહેલાં જાણો

આ પણ જુઓ

Watch onYouTube