એકવાર ચાર્જ કરો, 711 કિમી ચલાવો! Mercedesની નવી ઇલેક્ટ્રિક SUV ભારતમાં લોન્ચ

Mercedes-Benzએ ભારતમાં નવી Mercedes GLC Electric SUV લોન્ચ કરી છે. તેની કિંમત ₹78.5 લાખ એક્સ-શોરૂમથી શરૂ થાય છે. ખાસ વાત એ છે કે આ ઇલેક્ટ્રિક SUVનું ભારતમાં જ એસેમ્બલિંગ કરવામાં આવશે. કંપનીના જણાવ્યા મુજબ, GLC Electricને અત્યાર સુધી 1,000થી વધુ બુકિંગ મળી ચૂક્યાં છે અને તેની બુકિંગ માર્ચ 2027 સુધી ફુલ થઈ ગઈ છે. ગ્રાહકોને તેની ડિલિવરી દિવાળી આસપાસ મળવાની અપેક્ષા છે.

39.1 ઇંચની Hyperscreen અને પ્રીમિયમ ફીચર્સ

Mercedes GLC Electricમાં 39.1 ઇંચની મોટી Hyperscreen આપવામાં આવી છે, જે સમગ્ર ડેશબોર્ડ પર ફેલાયેલી છે. કારમાં પેનોરમિક ગ્લાસ રૂફ, એમ્બિયન્ટ લાઇટિંગ, બે વાયરલેસ ચાર્જર અને 15-સ્પીકર 3D Burmester સાઉન્ડ સિસ્ટમ આપવામાં આવી છે. તેમાં AI ફીચર્સ પણ મળે છે. સેફ્ટી માટે Level 2 ADAS, 8 કેમેરા, 5 રડાર, 360-ડિગ્રી કેમેરા, ઓટો પાર્કિંગ આસિસ્ટ અને 9 એરબેગ્સ આપવામાં આવ્યા છે. આગળની સીટમાં હીટિંગ અને મસાજ ફંક્શન પણ મળે છે.

94kWh બેટરી અને 490hp પાવર

ભારતમાં Mercedes GLC Electricને 400 4Matic વેરિઅન્ટમાં લોન્ચ કરવામાં આવી છે. તેમાં 94kWh બેટરી આપવામાં આવી છે, જે આગળ અને પાછળની બે ઇલેક્ટ્રિક મોટરને પાવર આપે છે. બંને મોટર મળીને 490hpની પાવર અને 800Nmનો ટોર્ક જનરેટ કરે છે. કંપનીના જણાવ્યા મુજબ, SUV 0થી 100 કિમી પ્રતિ કલાકની ઝડપ માત્ર 4.3 સેકન્ડમાં પકડી શકે છે. તેની WLTP સર્ટિફાઇડ રેન્જ 711 કિમી છે.

10 મિનિટમાં 300 કિમીની રેન્જ ચાર્જ

GLC Electricમાં 22kW AC ચાર્જર સ્ટાન્ડર્ડ આપવામાં આવે છે. જ્યારે 330kW DC ફાસ્ટ ચાર્જરનો ઉપયોગ કરવામાં આવે ત્યારે માત્ર 10 મિનિટમાં 300 કિમીની ડ્રાઇવિંગ રેન્જ ચાર્જ કરી શકાય છે. ડિઝાઇનની વાત કરીએ તો કારમાં 914 પિક્સલ લાઇટિંગ એલિમેન્ટ્સ ધરાવતી ખાસ ફ્રન્ટ ગ્રિલ છે. ભારતીય મોડલમાં AMG સ્ટાઇલિંગ પેક સ્ટાન્ડર્ડ છે, સાથે 20 ઇંચના એલોય વ્હીલ અને સ્પોર્ટી ફ્રન્ટ તથા રિયર બમ્પર મળે છે.

આ પણ વાંચો: NPSના રોકાણકારો ધ્યાન આપો! 1 ડિસેમ્બરથી લાગુ થશે આ નવા નિયમો

આ પણ જુઓ :

Watch onYouTube