Gold Import : સોનાની આયાતમાં 62.57%નો કડાકો, છતાં દિવાળીમાં ખરીદી ત્રણ ગણી

ઓક્ટોબરમાં સોનીની આયાત 62.57 ટકા ઘટીને 5.51 અબજ અમેરિકન ડોલર રહી જ્યારે ઓક્ટોબર 2025માં તે 14.72 અબજ ડોલર હતી. જોકે, તહેવારોની માગ વધવાથી સપ્ટેમ્બરની સરખામણીમાં ઓક્ટોબરમાં સોનીની આયાત ત્રણ ગણી થઈ ગઈ. સપ્ટેમ્બરમાં 1.80 અબજ ડોલરની સોનાની આયાત થઈ હતી. વાણિજ્ય વિભાગે જાહેર કરેલા આંકડા મુજબ એપ્રિલ-ઓક્ટોબર 2026માં ભારતની સોનાની આયાત 39.9 ટકા ઘટીને 24.78 અબજ અમેરિકન ડોલર રહી હતી, જ્યારે ગયા વર્ષે સમાન સમયમાં તે 41.24 અબજ અમેરિકન ડોલર હતી.

એપ્રિલ-ઓક્ટોબરમાં સોનાની આયાત અંદાજે 40 ટકા ઘટી

ચાલુ નાણાકીય વર્ષમાં સોનાની આયાતમાં 40 ટકાનો ઘટાડો નોંધાયો છે. આ ઘટાડો વૈશ્વિક સ્તરે સોનાના ભાવમાં હાલમાં આવેલી અછત વચ્ચે થયો છે. આંતરરાષ્ટ્રીય બજારમાં આ કિંમતી ધાતુ 4,000 અમેરિકન ડોલર પ્રિત ઔંસથી નીચે ટ્રેડ થઈ રહ્યો છે. એપ્રિલ-ઓક્ટોબર 2026 દરમિયાન ભારતની સોનાની આયાત 39.9 ટકા ઘટીને 24.78 અબજ અમેરિકન ડોલર રહી ગઈ, જ્યારે ગયા વર્ષે આ સમયમાં તે 41.24 અબજ અમેરિકન ડોલર હતી.

ઓક્ટોબર 2026માં સોનાની આયાત 62.57 ટકા ઘટીને 5.51 અબજ અમેરિકન ડોલર રહી જ્યારે ઓક્ટોબર 2025માં તે 14.72 અબજ અમેરિકન ડોલર હતી. આ રીતે સપ્ટેમ્બરમાં સોનાની આયાત ગયા વર્ષના 9.61 અબજ અમેરિકન ડોલરથી ઘટીને 1.80 અબજ અમેરિકન ડોલર રહી ગઈ. ઓગસ્ટમાં તે 5.44 અબજ અમેરિકન ડોલરથી ઘટીને 2.30 અબજ અમેરિકન ડોલર થઈ હતી.

સપ્ટેમ્બરની સરખામણીમાં ઓક્ટોબરમાં ત્રણ ગણી આયાત વધી

સપ્ટેમ્બરની સરખામણીમાં ઓક્ટોબરમાં સોનાની આયાત અંદાજે ત્રણ ગણી વધીને 5.51 અબજ ડોલર થઈ હતી, જે ગયા મહિને 1.80 અબજ ડોલર હતી. દિવાળી પહેલા જ્વેલર વિક્રેતાઓ અને ગ્રાહકોએ સોનાની ખરીદી વધારી હતી. તહેવારો દરમિયાન સોનાની ખરીદીને શુભ માનવામાં આવે છે. ઓક્ટોબરમાં સોનાની આયાતમાં આવેલી તેજીનું કારણ વૈશ્વિક ભાવમાં ફેરફાર અને તહેવારો પહેલા વધેલી માગ હોઈ શકે છે. જોકે, આયાત પર અન્ય કારણોની પણ અસર પડી શકે છે. અમેરિકા અને ચીન પછી દુનિયાનો ત્રીજો સૌથી મોટો ઓઈલ ગ્રાહક હોવાના કારણે ભારતે મધ્ય-પૂર્વમાં ચાલતા યુદ્ધથી ઊર્જા બજારમાં પેદા થયેલા અવરોધોનો પણ સામનો કરવો પડી રહ્યો છે. તેનાથી દેશનું આયાત બિલ વધ્યું છે.

નાણાકીય વર્ષના શરૂઆતના ચાર મહિનામાં આયાત વધી

ચાલુ નાણાકીય વર્ષના શરૂઆતના ચાર મહિનામાં સોનાની આયાતમાં વધારો નોંધાયો હતો. એપ્રિલમાં સોનાની આયાત ગયા વર્ષના સમાન મહિનાના 3.10 અબજ ડોલરથી વધીને 5.63 અબજ અમેરિકન ડોલર થઈ હતી. મે મહિનામાં તે 2.55 અબજ અમેરિકન ડોલરથી વધીને 3.42 અબજ અમેરિકન ડોલર થઈ હતી. જૂનમાં સોનાની આયાત સામાન્ય વધારા સાથે 1.84 અબજ ડોલરથી 1.97 અબજ ડોલરે પહોંચી હતી જ્યારે જુલાણઆં તે 3.97 અબજ અમેરિકન ડોલરથી વધીને 4.16 અબજ અણેરિકન ડોલર થઈ હતી.

આ પણ જૂઓ

Watch onYouTube