અમદાવાદ એરપોર્ટ પરથી કેબ પિક-અપ હવે મોંઘું, મુસાફરોના ખિસ્સા પર સીધો ₹200નો ડામ

અમદાવાદ એરપોર્ટથી ઓલા, ઉબેર, રેપિડો અથવા અન્ય કોમર્શિયલ ટેક્સી દ્વારા મુસાફરી કરતા લોકો માટે ખર્ચ વધી શકે છે. સરદાર વલ્લભભાઈ પટેલ ઈન્ટરનેશનલ એરપોર્ટ ઓથોરિટીના નવા નિયમ મુજબ યલો-પ્લેટ ધરાવતા કોમર્શિયલ વાહનો માટે ડ્રોપ-ઓફ અને પિક-અપ માટે અલગ ચાર્જ નક્કી કરવામાં આવ્યા છે.

ડ્રોપ-ઓફ અને પિક-અપ માટે અલગ ચાર્જ

નવા નિયમ અનુસાર યલો-પ્લેટ ધરાવતા કોમર્શિયલ વાહનોને એરપોર્ટ પર મુસાફરને ડ્રોપ કરવા માટે ₹50 અને પિક-અપ કરવા માટે ₹200નો ચાર્જ ચૂકવવો પડશે. આ ચાર્જ કોમર્શિયલ ટેક્સી ઓપરેટરો માટે લાગુ કરવામાં આવ્યો છે, જેના કારણે એરપોર્ટ સુધી અથવા એરપોર્ટથી ટેક્સી દ્વારા મુસાફરી કરવાના કુલ ખર્ચમાં વધારો થઈ શકે છે.

વધારાનો ખર્ચ મુસાફરો પાસેથી વસૂલાશે

અહેવાલ મુજબ આ નવો ચાર્જ કંપનીઓના એપ આધારિત ભાડામાં ઉમેરાયેલો નથી. તેથી ડ્રાઈવરો આ વધારાની રકમ સીધી મુસાફરો પાસેથી વસૂલશે. પરિણામે ઓલા, ઉબેર, રેપિડો અથવા અન્ય કોમર્શિયલ ટેક્સી દ્વારા એરપોર્ટ જતાં કે ત્યાંથી પિક-અપ લેતાં મુસાફરોના કુલ મુસાફરી ખર્ચમાં આ ચાર્જનો સમાવેશ થશે.

કોમર્શિયલ ટેક્સીઓના પાર્કિંગમાં પણ ફેરફાર

નવા ચાર્જની સાથે એરપોર્ટ તંત્રએ કોમર્શિયલ ટેક્સીઓના પાર્કિંગની વ્યવસ્થામાં પણ ફેરફાર કર્યો છે. અહેવાલ મુજબ અત્યાર સુધી કોમર્શિયલ ટેક્સીઓને ઈન્ટરનેશનલ ટર્મિનલ-2ની નજીક પાર્ક કરવાની મંજૂરી હતી. હવે તમામ ટેક્સી ઓપરેટરોએ એરપોર્ટ સર્કલ પાસે આવેલી હોટેલ ઉમેદ નજીકના નવા પાર્કિંગ વિસ્તારમાં વાહનો પાર્ક કરવાના રહેશે.

આ પણ વાંચો : અનૂપ બાગચીને સોંપાઈ HDFC Bankના MD-CEOની કમાન, 27 ઓક્ટોબરથી સંભાળશે જવાબદારી

આ પણ જુઓ :

Watch onYouTube