સુરતવાસીઓ માટે ખુશખબર! વડોદરા-ભરૂચ થઈને દોડશે 4 સ્પેશિયલ ટ્રેન

દુર્ગા પૂજા, દિવાળી અને છઠ પૂજા જેવા તહેવારો દરમિયાન વતન જતા મુસાફરોની વધતી ભીડને ધ્યાનમાં રાખીને ભારતીય રેલવે દ્વારા ગુજરાત અને બિહાર વચ્ચે વિશેષ ટ્રેનો દોડાવવાનો નિર્ણય લેવામાં આવ્યો છે. પશ્ચિમ રેલવે ઉધના અને જયનગર વચ્ચે સ્પેશિયલ ભાડા પર સાપ્તાહિક અનરિઝર્વ્ડ સ્પેશિયલ ટ્રેનો દોડાવશે, જેનો લાભ તહેવારો દરમિયાન મુસાફરી કરતા લોકોને મળશે.

ઉધના-જયનગર વચ્ચે સ્પેશિયલ ટ્રેન

ટ્રેન નંબર 09071/09072 ઉધના-જયનગર-ઉધના સ્પેશિયલ 18 અને 25 ઑક્ટોબર 2026ના રોજ ઉધના સ્ટેશનથી બપોરે 3:45 વાગ્યે ઉપડશે અને મંગળવારે સવારે 11:30 વાગ્યે જયનગર પહોંચશે. પરત મુસાફરીમાં ટ્રેન 20 અને 27 ઑક્ટોબર 2026ના રોજ જયનગરથી બપોરે 1:30 વાગ્યે ઉપડશે અને ગુરુવારે સવારે 8:30 વાગ્યે ઉધના પહોંચશે.

બીજી સ્પેશિયલ ટ્રેનનું પણ સંચાલન

ટ્રેન નંબર 09073 ઉધના-જયનગર સ્પેશિયલ 18 અને 25 ઑક્ટોબરે સવારે 9:50 વાગ્યે ઉધનાથી ઉપડશે અને મંગળવારે સવારે 5:30 વાગ્યે જયનગર પહોંચશે. તેની પરત મુસાફરી માટે ટ્રેન નંબર 09074 જયનગર-ઉધના સ્પેશિયલ 20 અને 27 ઑક્ટોબરે સવારે 9:00 વાગ્યે જયનગરથી ઉપડશે અને ગુરુવારે સવારે 7:30 વાગ્યે ઉધના પહોંચશે.

સુરત, ભરૂચ અને વડોદરા સહિત આ સ્ટેશનો પર સ્ટોપ

આ સ્પેશિયલ ટ્રેનો સુરત, ભરૂચ, વડોદરા, ગોધરા, રતલામ, ઉજ્જૈન, ઝાંસી, ગોવિંદપુરી, સુબેદારગંજ, દીનદયાળ ઉપાધ્યાય જંક્શન, દાનાપુર, મુઝફ્ફરપુર, દરભંગા અને મધુબની સહિતના મુખ્ય સ્ટેશનો પર રોકાશે. મુસાફરોએ મુસાફરી કરતા પહેલાં રેલવેની સત્તાવાર વેબસાઇટ અથવા સંબંધિત રેલવે કચેરી પાસેથી સમયપત્રક, ભાડું અને ટિકિટ સંબંધિત વિગતોની ખાતરી કરી લેવી જોઈએ.

આ પણ વાંચો : Zetwerk Manufacturing IPO 15 ઑક્ટોબરે ખુલશે, ₹5,012 કરોડનો ઇશ્યૂ

આ પણ જુઓ:

Watch onYouTube