ધક્કો ન પડે! ઓક્ટોબરમાં આ 16 દિવસે બેંકો રહેશે બંધ

ઓક્ટોબર મહિનામાં બેંકિંગ કામકાજ સાથે જોડાયેલા ગ્રાહકો માટે મહત્વપૂર્ણ માહિતી સામે આવી છે. RBI દ્વારા જાહેર કરાયેલી રજાઓની યાદી મુજબ આગામી મહિનામાં દેશના અલગ-અલગ શહેરોમાં સરકારી અને ખાનગી બેંકો કુલ 16 દિવસ બંધ રહેશે. આ રજાઓમાં રવિવાર, બીજા અને ચોથા શનિવારની નિયમિત રજાઓ ઉપરાંત અલગ-અલગ રાજ્યો અને સ્થાનિક તહેવારોને કારણે મળતી રજાઓનો સમાવેશ થાય છે.

2 ઓક્ટોબરે સમગ્ર દેશમાં બેંકો રહેશે બંધ

ઓક્ટોબર મહિનામાં 2 ઓક્ટોબરે ગાંધી જયંતીના કારણે દેશભરની બેંક બ્રાન્ચ બંધ રહેશે. આ ઉપરાંત અન્ય રજાઓ રાજ્ય અને સ્થાનિક તહેવારોના આધારે અલગ-અલગ હોઈ શકે છે. તેથી બેંકમાં કોઈ મહત્વનું કામ હોય તો ગ્રાહકોએ અગાઉથી રજાઓની યાદી તપાસવી જરૂરી છે.

બ્રાન્ચ બંધ હોવા છતાં ડિજિટલ સેવાઓ ચાલુ રહેશે

બેંક બ્રાન્ચ બંધ હોવા છતાં ગ્રાહકો મોટાભાગના બેંકિંગ કામ ઓનલાઈન કરી શકશે. ઈન્ટરનેટ બેંકિંગ, મોબાઈલ બેંકિંગ, UPI, ATM, NEFT અને RTGS જેવી સેવાઓ 24 કલાક ઉપલબ્ધ રહેશે. આથી પૈસા ટ્રાન્સફર, પેમેન્ટ અને અન્ય ડિજિટલ બેંકિંગ સુવિધાઓનો ઉપયોગ રજાના દિવસોમાં પણ કરી શકાશે.

NEFT અને RTGSથી કરી શકાશે ઓનલાઈન ટ્રાન્સફર

NEFT (National Electronic Fund Transfer):

NEFT દ્વારા કોઈપણ બેંક ખાતામાં પૈસા ટ્રાન્સફર કરી શકાય છે. તેમાં ટ્રાન્ઝેક્શન બેચ પ્રમાણે પ્રોસેસ થાય છે અને આ સેવા રજાના દિવસોમાં પણ 24x7 ઉપલબ્ધ રહે છે.

RTGS (Real Time Gross Settlement):

RTGSનો ઉપયોગ મોટી રકમ ટ્રાન્સફર કરવા માટે થાય છે. તેમાં ઓછામાં ઓછા ₹2 લાખની રકમ મોકલી શકાય છે અને પૈસા રિયલ ટાઈમમાં ટ્રાન્સફર થાય છે.

બેંક કામ માટે અગાઉથી પ્લાનિંગ જરૂરી

ઓક્ટોબરમાં બેંક રજાઓની સંખ્યા વધુ હોવાથી ગ્રાહકોએ ચેક, લોન, દસ્તાવેજો અથવા અન્ય બેંકિંગ કામ માટે અગાઉથી આયોજન કરવું જરૂરી છે. બ્રાન્ચ સંબંધિત કામ માટે નજીકની બેંકની રજા અને કાર્યદિવસની માહિતી તપાસ્યા બાદ જ મુલાકાત લેવી યોગ્ય રહેશે.

આ પણ વાંચો : પોસ્ટ ઓફિસમાં આંખો મીંચીને રોકાણ ન કરતાં! પહેલાં જાણો આ 5 મહત્વની વાતો

આ પણ જુઓ :

Watch onYouTube