WhatsAppએ યુઝર્સને આપી મોટી ભેટ, હવે એક જ ગ્રૂપમાં 1500 મેમ્બર્સને મળશે એન્ટ્રી
WhatsApp યુઝર્સ માટે મોટા અપડેટના સમાચાર સામે આવ્યા છે. અહેવાલ મુજબ, કંપનીએ ગ્રૂપ મેમ્બર્સની મર્યાદા 1024થી વધારીને 1500 કરી છે. આ સુવિધા એન્ડ્રોઇડ અને iPhone યુઝર્સ માટે તબક્કાવાર ઉપલબ્ધ કરાવવામાં આવી રહી છે. સાથે ગ્રૂપ ચેટિંગને સરળ બનાવવા માટે નવા ફીચર્સ પણ રજૂ કરાયા છે.

WhatsApp પર મોટા ગ્રૂપ ચલાવતા યુઝર્સ માટે રાહતના સમાચાર છે. ઇન્સ્ટન્ટ મેસેજિંગ પ્લેટફોર્મ WhatsAppએ ગ્રૂપમાં સભ્યો ઉમેરવાની મર્યાદા વધારવાનો નિર્ણય લીધો હોવાના અહેવાલ છે. નવી વ્યવસ્થા મુજબ, એક જ ગ્રૂપમાં 1024ના બદલે 1500 લોકોને સામેલ કરી શકાશે. આ ફેરફારથી સ્કૂલ, સોસાયટી, મોટા પરિવાર અને વિવિધ કોમ્યુનિટી ગ્રૂપના એડમિનને ફાયદો થઈ શકે છે.
હવે એક ગ્રૂપમાં 1500 સભ્યો જોડાઈ શકશે
અત્યાર સુધી WhatsApp ગ્રૂપમાં મહત્તમ 1024 સભ્યો ઉમેરી શકાતા હતા. આ મર્યાદાને કારણે મોટી સંખ્યામાં સભ્યો ધરાવતા ગ્રૂપના સંચાલકોને એકથી વધુ ગ્રૂપ બનાવવા પડતા હતા. હવે સામાન્ય ગ્રૂપ અને કોમ્યુનિટી ગ્રૂપ માટે સભ્યોની મર્યાદા વધારીને 1500 કરવામાં આવી છે.
અપડેટ માટે સેટિંગ્સ બદલવાની જરૂર નહીં
નવી ગ્રૂપ કેપેસિટીનું ફીચર એન્ડ્રોઇડ અને iPhone બંને પ્લેટફોર્મ પર તબક્કાવાર ઉપલબ્ધ કરાવવામાં આવી રહ્યું હોવાનું જણાવાયું છે. યુઝર્સે આ સુવિધા મેળવવા માટે ફોનના સેટિંગ્સમાં કોઈ અલગ ફેરફાર કરવાની જરૂર નહીં પડે. ફીચર ઉપલબ્ધ થતાં એકાઉન્ટમાં નવી મર્યાદા આપમેળે જોવા મળશે.

WhatsApp ગ્રૂપમાં બીજા કયા નવા ફીચર્સ મળશે?
ગ્રૂપ મેમ્બર લિમિટ વધારવા ઉપરાંત WhatsAppએ ગ્રૂપ ચેટિંગને વધુ સરળ બનાવતી કેટલીક સુવિધાઓ પણ રજૂ કરી હોવાના અહેવાલ છે. યુઝર્સ મહત્વપૂર્ણ મેસેજને ચેટમાં પિન કરી શકશે. આ ઉપરાંત ગ્રૂપમાં સ્ટેટસ અપડેટ શેર કરવાની અને મેન્શન તથા રિપ્લાયના આધારે ચેટ ફિલ્ટર કરવાની સુવિધા પણ આપવામાં આવી છે.
નવા સભ્યો પણ જૂની ચેટ જોઈ શકશે
નવા ફીચર્સમાં સૌથી મહત્વપૂર્ણ સુવિધા પસંદગીની જૂની મેસેજ હિસ્ટ્રી શેર કરવાની છે. ગ્રૂપમાં નવો સભ્ય જોડાય ત્યારે તેની સાથે અગાઉના પસંદગીના મેસેજ શેર કરી શકાશે. આથી નવા સભ્યને ગ્રૂપમાં અગાઉ થયેલી મહત્વપૂર્ણ ચર્ચા અને અપડેટ્સ વિશે માહિતી મેળવવામાં સરળતા રહેશે. જોકે, 1500 સભ્યોની મર્યાદા અને નવા ફીચર્સની ઉપલબ્ધતા તમામ યુઝર્સ માટે એકસાથે નહીં હોય.
આ પણ વાંચો: EPFO New Rules 2026: PFમાંથી 90% સુધી રકમ ઉપાડવાની મંજૂરી, જાણો નવા નિયમો ક્યારથી લાગુ થશે
આ પણ જુઓ:
Also Read

અદાણી ગ્રૂપને મળ્યો વધુ એક મોટો પ્રોજેક્ટ!, આ રાજ્યમાં 2,400 મેગાવોટના પાવર પ્લાન્ટ સાથે જોડાશે વીજ નેટવર્ક

CAIT Report: લગ્નની સિઝનમાં પૈસાનો વરસાદ!, 1.25 કરોડ રોજગારની તકો, કયા બિઝનેસને થશે સૌથી વધુ ફાયદો?

ભારતીય ઉદ્યોગોને PM મોદીનો સંદેશ: સ્થાનિક બજારથી આગળ વધો, દુનિયાભરમાં બનાવો ઓળખ

તમારા ફોનમાં WhatsApp બંધ તો નથી થવાનું ને? જાણો કયા યુઝર્સ પર પડશે અસર

નિવૃત્તિ પછી PF ના પૈસા હવે હપ્તામાં પણ ઉપાડી શકાશે: EPFO બોર્ડે SWP યોજનાને આપી મંજૂરી, બાકી રકમ પર વ્યાજ મળતું રહેશે

RBIની બેન્કોને સૂચના! AI, સાયબર સુરક્ષા અને લોનના જોખમ પર ધ્યાન આપો, નવા નિયમની તૈયારી

'છેલ્લા 4 વર્ષમાં પેટ્રોલ-ડીઝલના ભાવ ઘટ્યા', કેન્દ્રીય મંત્રી હરદીપ પુરીનો દાવો





