હોંગકોંગ માર્કેટમાં તેજી, Hang Seng 1% ઉછળ્યો; બાયોટેક, AI અને પ્રોપર્ટી શેરોમાં ખરીદી

6 ઓક્ટોબર 2026ના ટ્રેડિંગ સેશનમાં હોંગકોંગ શેરબજારમાં મજબૂત તેજી જોવા મળી. Hang Seng Index 1% વધીને 24,280.56 પોઇન્ટ પર બંધ રહ્યો. Hang Seng China Enterprises Index 0.96% અને Hang Seng Tech Index 0.94% વધ્યા. દિવસ દરમિયાન કુલ ટ્રેડિંગ વોલ્યુમ આશરે 982.65 અબજ હોંગકોંગ ડૉલર રહ્યું. અમેરિકન શેરબજારમાં મજબૂત ટ્રેન્ડની અસર એશિયન બજારો પર જોવા મળી. સાથે જ બાયોટેક, AI અને રિયલ એસ્ટેટ શેરોમાં ખરીદીએ હોંગકોંગ માર્કેટની તેજીને ટેકો આપ્યો.

ESMO 2026 પહેલાં બાયોટેક શેરોમાં ખરીદી

આગામી ESMO 2026 કેન્સર કોન્ફરન્સને લઈને ચીનની બાયોટેક અને CRO કંપનીઓમાં ખરીદી વધી. 23થી 27 ઓક્ટોબર દરમિયાન યોજાનારી આ કોન્ફરન્સમાં ચીનની કંપનીઓની દવાઓ સંબંધિત 31 મહત્વપૂર્ણ રિસર્ચ રજૂ થવાના છે. આ આશાને કારણે CanSino Biologicsનો શેર 14.04% ઉછળ્યો. GenScript Biotech 7.67%, XtalPi 5.93% અને WuXi Biologics 4.51% વધ્યા.

રિયલ એસ્ટેટ શેરોમાં પણ તેજી

ચીનના પ્રોપર્ટી ક્ષેત્રના શેરોમાં પણ જોરદાર ખરીદી જોવા મળી. Shimao Group 12.77%, Sino-Ocean Group 9.68%, Fuli Property 8.78% અને Agile Group 7.09% વધ્યા.

આ પણ વાંચો: રિઝર્વ બેન્ક બુધવારે વ્યાજદરમાં વધારો મુલતવી રાખી શકે

AI શેરોમાં પણ જોરદાર એક્શન

Zhipu AIનો શેર 7.59% વધીને HK$715.5 પર પહોંચ્યો. Amazon Web Servicesના Amazon Bedrock પ્લેટફોર્મમાં Zhipuનું GLM-5.3 મોડલ સામેલ થવાથી શેરમાં ઉત્સાહ જોવા મળ્યો. Kuaishouનો શેર પણ 2.31% વધ્યો. કંપનીના AI વિડિયો પ્લેટફોર્મ Kling AIનો આગામી વર્ષે હોંગકોંગમાં IPO આવી શકે છે એવા અહેવાલથી શેરને ટેકો મળ્યો.

હવે ESMO કોન્ફરન્સ પર નજર

હોંગકોંગ માર્કેટની આજની તેજીમાં બાયોટેક, AI અને પ્રોપર્ટી શેરો આગળ રહ્યા. હવે રોકાણકારોની નજર ESMO 2026માં રજૂ થનારા નવા રિસર્ચ અને કંપનીઓના ડેટા પર રહેશે.

આ પણ જુઓ

Watch onYouTube