TVS અપાચે અને રોનિનના નવા મોડલ લોન્ચ, નવા ફિચર્સ ગ્રાહકોને આકર્ષે તેવા

તહેવારી સિઝનની શરૂઆત પહેલા TVS મોટર કંપનીએ પોતાના પ્રીમિયમ મોટરસાયકલ પોર્ટફોલિયોમાં નવા અપડેટ્સ રજૂ કર્યા છે. કંપનીએ TVS અપાચે અને TVS રોનિનના નવા વેરિઅન્ટ સાથે ટેક્નોલોજી, કનેક્ટિવિટી અને રાઇડિંગ અનુભવમાં સુધારા કર્યા છે. TVS અપાચે પોર્ટફોલિયો કંપનીની પરફોર્મન્સ આધારિત બાઇક સિરીઝ છે, જે TVS રેસિંગ ટેક્નોલોજી પર આધારિત છે. કંપની અનુસાર, વિશ્વના 90 દેશોમાં TVS અપાચેના 70 લાખથી વધુ રાઇડર્સ છે.

TVS અપાચે RTR સિરીઝમાં નવા ફીચર્સ

TVSએ અપાચે RTR 160, RTR 160 4V અને RTR 200 4Vમાં નવા ફીચર્સ ઉમેર્યા છે. TVS અપાચે RTR 160માં ટ્રેક્શન કંટ્રોલ સિસ્ટમ, હેઝાર્ડ લેમ્પ્સ અને LED TSLs જેવા ફીચર્સ આપવામાં આવ્યા છે. TVS અપાચે RTR 160 4Vમાં Google Map મિરરિંગ સાથે TFT ડિસ્પ્લે, પેનિક બ્રેક એલર્ટ અને Type-C ચાર્જર જેવી સુવિધાઓ ઉમેરવામાં આવી છે. TVS અપાચે RTR 200 4Vમાં એડજસ્ટેબલ USD સસ્પેન્શન સાથે TFT ડિસ્પ્લે, Google Map મિરરિંગ, પેનિક બ્રેક એલર્ટ અને Type-C ચાર્જિંગની સુવિધા આપવામાં આવી છે.

TVS રોનિનમાં નવા વેરિઅન્ટ

TVS રોનિનના નવા વેરિઅન્ટ સાથે મિડ અને ટોપ વેરિઅન્ટમાં પણ સુધારા કરવામાં આવ્યા છે. કંપની અનુસાર, આ બાઇક આધુનિક ડિઝાઇન, સરળ પરફોર્મન્સ અને અલગ રાઇડિંગ અનુભવ પર ધ્યાન કેન્દ્રિત કરે છે. TVS રોનિનની Unscripted ફિલોસોફી સાથે જોડાયેલા ગ્રાહકોનો વૈશ્વિક સમુદાય 2 લાખથી વધુ છે.

આ પણ વાંચો: તહેવારની સિઝનમાં ભારતમાં 2-2.5 લાખ નવી નોકરીની તકો ઉભી થશે, જાણો ક્યાં ક્ષેત્રોમાં થશે વધુ ભરતી?

અપાચેનો વધતો ગ્રાહક આધાર

TVS અપાચે સાથે જોડાયેલા Apache Owners Group (AOG)માં 5 લાખથી વધુ રજિસ્ટર્ડ સભ્યો છે. આ સમુદાય રાઇડિંગ અનુભવ, ટ્રેક ઇવેન્ટ્સ અને બ્રાન્ડ સાથેના જોડાણ માટે જાણીતો છે. કંપનીએ જણાવ્યું કે નવા અપડેટ્સ દ્વારા TVS અપાચેની પ્રીમિયમ ટેક્નોલોજી, સલામતી અને કનેક્ટિવિટી ક્ષમતાઓને વધુ મજબૂત બનાવવામાં આવી છે.

આ પણ જુઓ

Watch onYouTube