તહેવારોની સીઝનમાં સ્માર્ટફોન બજારને મોટો ઝટકો, વેચાણમાં 22%નો ઘટાડો
ભારતમાં તહેવારોની સીઝન દરમિયાન સ્માર્ટફોનના વેચાણમાં મોટો ઘટાડો નોંધાયો છે. Counterpoint Researchના અહેવાલ મુજબ, 8 ઓક્ટોબરથી 10 નવેમ્બર, 2026 દરમિયાન સ્માર્ટફોનનું વેચાણ સંખ્યાની દૃષ્ટિએ 22% ઘટ્યું છે. બીજી તરફ સ્માર્ટફોનની સરેરાશ કિંમતમાં 28%નો વધારો થયો છે. મોંઘા ફોન અને ઓછા ડિસ્કાઉન્ટને કારણે ખાસ કરીને ₹20,000થી ઓછી કિંમતના સ્માર્ટફોનની માંગને મોટો ફટકો પડ્યો છે.

Smartphone Sales: દિવાળી અને તહેવારોની સીઝન સામાન્ય રીતે સ્માર્ટફોન કંપનીઓ માટે કમાણીનો મોટો અવસર હોય છે. પરંતુ આ વર્ષે ચિત્ર બદલાઈ ગયું છે. ભારે ઓફર્સ અને EMIની સુવિધા છતાં ગ્રાહકોએ નવા મોબાઇલ ખરીદવામાં ખાસ ઉત્સાહ બતાવ્યો નથી. Counterpoint Researchના પ્રાથમિક અહેવાલ મુજબ, 2026ની ફેસ્ટિવ સીઝનમાં ભારતમાં સ્માર્ટફોનના વેચાણમાં 22%નો ઘટાડો થયો છે. મોબાઇલની વધતી કિંમતો અને ઘટતા ડિસ્કાઉન્ટને કારણે ખાસ કરીને ઓછા બજેટના ગ્રાહકોએ નવા ફોન ખરીદવાનું ટાળ્યું છે.
12% ઘટાડાનો અંદાજ હતો, વેચાણ 22% ઘટ્યું
Counterpoint Researchએ તહેવારોની સીઝન પહેલાં સ્માર્ટફોનના વેચાણમાં 12% ઘટાડાનો અંદાજ મૂક્યો હતો. જોકે, 8 ઓક્ટોબરથી 10 નવેમ્બર દરમિયાન વેચાણમાં વાર્ષિક ધોરણે 22%નો ઘટાડો નોંધાયો છે. 8થી 18 ઓક્ટોબર દરમિયાન જ વેચાણ 19% ઘટ્યું હતું. ઓનલાઈન સેલ અને રિટેલ સ્ટોર્સમાં ગ્રાહકોની અવરજવર હોવા છતાં ખરીદીમાં અપેક્ષિત વધારો થયો નહતો.
મોબાઇલ 28% મોંઘા, ડિસ્કાઉન્ટ પણ ઘટ્યાં
સ્માર્ટફોનની સરેરાશ વેચાણ કિંમત (ASP)માં વાર્ષિક ધોરણે 28%નો વધારો થયો છે. જોકે, વધુ કિંમતોને કારણે વેચાયેલા ફોનની સંખ્યા ઘટવા છતાં બજારનું કુલ વેચાણ મૂલ્ય લગભગ સ્થિર રહ્યું છે. મોબાઇલમાં વપરાતી DRAM અને NAND મેમરી ચિપ્સના ભાવ વધવાથી કંપનીઓનો ઉત્પાદન ખર્ચ વધ્યો છે. આની અસર ફેસ્ટિવ ડિસ્કાઉન્ટ પર પણ જોવા મળી હતી. 2025ની ફેસ્ટિવ સીઝનમાં સ્માર્ટફોન પર 35%થી 40% સુધી ડિસ્કાઉન્ટ મળતું હતું, જ્યારે 2026માં તે ઘટીને માત્ર 10%થી 25% રહ્યું હતું. આ ઉપરાંત, ગયા વર્ષની ફેસ્ટિવ સીઝનની સરખામણીએ સ્માર્ટફોનના વેચાણમાં 22%નો ઘટાડો નોંધાયો હતો, જ્યારે સરેરાશ વેચાણ કિંમતમાં 28%નો વધારો થયો હતો. મોટા ડિસ્કાઉન્ટના બદલે કંપનીઓએ નો-કોસ્ટ EMI, બેન્ક ઓફર્સ અને એક્સચેન્જ ડીલ્સ પર વધુ ભાર મૂક્યો હતો. તહેવારો દરમિયાન લગભગ 48% સ્માર્ટફોનનું વેચાણ ફાઇનાન્સિંગ આધારિત હતું.
Samsung નંબર વન, Appleના વેચાણમાં પણ ઘટાડો
ફેસ્ટિવ સીઝનમાં Samsungએ 21% માર્કેટ શેર સાથે પ્રથમ સ્થાન મેળવ્યું છે. કંપનીએ Vivoને પાછળ છોડ્યું છે. Samsungના વેચાણમાં માત્ર 8%નો ઘટાડો થયો હતો, જ્યારે સમગ્ર સ્માર્ટફોન બજાર 22% ઘટ્યું હતું. Galaxy S25 Ultra અને Galaxy S25 જેવા પ્રીમિયમ મોડલની માંગથી કંપનીને ફાયદો થયો હતો. બીજી તરફ Vivoના વેચાણમાં 21% અને OPPOના વેચાણમાં 24%નો ઘટાડો નોંધાયો હતો. Appleના વેચાણમાં પણ બે આંકડાનો ઘટાડો થયો હતો. જોકે, નવા iPhoneની સરખામણીમાં રિફર્બિશ્ડ iPhoneની માંગ મજબૂત રહી હતી.
₹20,000થી સસ્તા ફોનને સૌથી મોટો ફટકો
સ્માર્ટફોન બજારમાં સૌથી વધુ દબાણ ₹20,000થી ઓછી કિંમતના સેગમેન્ટમાં જોવા મળ્યું હતું. આ સેગમેન્ટમાં કેટલીક બ્રાન્ડ્સના વેચાણમાં લગભગ 50% સુધીનો ઘટાડો નોંધાયો હતો. બીજી તરફ ₹45,000થી વધુ કિંમતના અલ્ટ્રા-પ્રીમિયમ સેગમેન્ટમાં Googleએ મજબૂત વૃદ્ધિ નોંધાવી હતી. કંપનીએ ફેસ્ટિવ સીઝનમાં અત્યાર સુધીના સૌથી વધુ Pixel ફોન વેચ્યા હતા. નાની બ્રાન્ડ્સમાં Ai+એ પણ સારો દેખાવ કર્યો હતો અને તહેવારો દરમિયાન 10 લાખથી વધુ સ્માર્ટફોનનું વેચાણ કર્યું હતું.
2027માં સ્માર્ટફોન કંપનીઓ માટે શું પડકાર?
સ્માર્ટફોનની કિંમતો સતત વધી રહી હોય ત્યારે માત્ર ડિસ્કાઉન્ટથી વેચાણ વધારવું મુશ્કેલ બને છે. જરૂરિયાત ધરાવતા ગ્રાહકોએ EMI પર ફોન ખરીદ્યા, જ્યારે અન્ય ઘણા ગ્રાહકોએ જૂના ફોનનો ઉપયોગ ચાલુ રાખવાનું પસંદ કર્યું. આગામી સમયમાં સ્માર્ટફોન કંપનીઓ માટે સસ્તા ફાઇનાન્સિંગ વિકલ્પો, સ્પર્ધાત્મક કિંમતો અને ઉત્પાદન ખર્ચ પર નિયંત્રણ રાખવું મહત્વપૂર્ણ બની શકે છે. આમ, 2026ની ફેસ્ટિવ સીઝનમાં મોંઘા સ્માર્ટફોનનું વેચાણ બજારની કુલ આવકને ટેકો આપી શક્યું, પરંતુ વેચાયેલા ફોનની સંખ્યામાં મોટો ઘટાડો નોંધાયો છે.
આ પણ વાંચો: ગુજરાતમાં હોમસ્ટે બિઝનેસ બન્યો વધુ સરળ, સરકારે નિયમોમાં કર્યા મોટા ફેરફાર
આ પણ જુઓ:
Also Read

પેન્શનધારકો સાવધાન! એક મેસેજથી બેન્ક ખાતું થઈ શકે ખાલી, SBIએ આપી મોટી ચેતવણી

WhatsAppએ યુઝર્સને આપી મોટી ભેટ, હવે એક જ ગ્રૂપમાં 1500 મેમ્બર્સને મળશે એન્ટ્રી

અદાણી ગ્રૂપને મળ્યો વધુ એક મોટો પ્રોજેક્ટ!, આ રાજ્યમાં 2,400 મેગાવોટના પાવર પ્લાન્ટ સાથે જોડાશે વીજ નેટવર્ક

CAIT Report: લગ્નની સિઝનમાં પૈસાનો વરસાદ!, 1.25 કરોડ રોજગારની તકો, કયા બિઝનેસને થશે સૌથી વધુ ફાયદો?

ભારતીય ઉદ્યોગોને PM મોદીનો સંદેશ: સ્થાનિક બજારથી આગળ વધો, દુનિયાભરમાં બનાવો ઓળખ

તમારા ફોનમાં WhatsApp બંધ તો નથી થવાનું ને? જાણો કયા યુઝર્સ પર પડશે અસર

નિવૃત્તિ પછી PF ના પૈસા હવે હપ્તામાં પણ ઉપાડી શકાશે: EPFO બોર્ડે SWP યોજનાને આપી મંજૂરી, બાકી રકમ પર વ્યાજ મળતું રહેશે





