Hy-Tech Engineers IPOનું 41.5% પ્રીમિયમ સાથે ધમાકેદાર લિસ્ટિંગ

Hy-Tech Engineersના શેરે 1 સપ્ટેમ્બરે શેરબજારમાં ધમાકેદાર શરૂઆત કરી છે. IPOનો ઉપરનો ભાવ ₹53 પ્રતિ શેર હતો, જ્યારે કંપનીનો શેર NSE પર ₹75ના ભાવે લિસ્ટ થયો. એટલે IPO રોકાણકારોને લિસ્ટિંગ સમયે 41.51%નું પ્રીમિયમ મળ્યું. BSE પર શેર ₹72ના ભાવે લિસ્ટ થયો, જે IPO ભાવ કરતાં 35.85% વધારે છે.

એક લોટ પર ₹6,226નો ફાયદો

IPOમાં એક લોટમાં 283 શેર હતા. ₹53ના ઉપરના ભાવ પ્રમાણે એક લોટ માટે રોકાણકારને ₹14,999નું રોકાણ કરવું પડ્યું હતું. NSEના ₹75ના લિસ્ટિંગ ભાવ પ્રમાણે પ્રતિ શેર ₹22નો ફાયદો થયો. આ રીતે 283 શેરના એક લોટની કિંમત લિસ્ટિંગ સમયે ₹21,225 થઈ અને રોકાણકારને ₹6,226નો લિસ્ટિંગ ફાયદો થયો.

IPO 244 ગણાથી વધુ ભરાયો હતો

Hy-Tech Engineersનો IPO 24 ઓગસ્ટે ખુલ્યો હતો અને 27 ઓગસ્ટે બંધ થયો હતો. IPOને રોકાણકારો તરફથી જોરદાર પ્રતિસાદ મળ્યો હતો અને કુલ સબ્સ્ક્રિપ્શન 244 ગણાથી વધુ રહ્યું હતું. NII કેટેગરી 402 ગણાથી વધુ, QIB કેટેગરી 255 ગણાથી વધુ અને રિટેલ કેટેગરી 170 ગણાથી વધુ ભરાઈ હતી.

GMPની અપેક્ષા કરતાં લિસ્ટિંગ ઓછું

31 ઓગસ્ટે લિસ્ટિંગના એક દિવસ પહેલાં Hy-Tech Engineersનો GMP આશરે ₹42 પ્રતિ શેર હતો. ₹53ના IPO ભાવ સામે આ લગભગ 79% પ્રીમિયમનો સંકેત આપતો હતો. 1 સપ્ટેમ્બરે લિસ્ટિંગ પહેલાં સવારે ઉપલબ્ધ ગ્રે માર્કેટ સંકેત લગભગ 66% પ્રીમિયમનો હતો. પરંતુ વાસ્તવિક લિસ્ટિંગ NSE પર 41.51% પ્રીમિયમ સાથે થયું. એટલે Grey Marketની અપેક્ષા કરતાં વાસ્તવિક લિસ્ટિંગ ગેઇન ઓછો રહ્યો.

આ પણ વાંચો: Symbiotec Pharmalab IPOનું નબળું લિસ્ટિંગ, શેર 1% ડિસ્કાઉન્ટ પર બજારમાં ખુલ્યો

કંપની શું કરે છે?

1978માં શરૂ થયેલી Hy-Tech Engineers હાઇડ્રોલિક ફિટિંગ્સના ડિઝાઇન, ઉત્પાદન અને સપ્લાયના વ્યવસાયમાં છે. કંપની પાસે હાઇડ્રોલિક્સ ક્ષેત્રમાં ચાર દાયકાથી વધુનો અનુભવ છે અને તેના પોર્ટફોલિયોમાં 11,000થી વધુ પ્રોડક્ટ્સ છે.

IPOની રકમ ક્યાં વપરાશે?

કંપની IPOમાંથી મળનારી રકમનો ઉપયોગ પોતાના ઉત્પાદન એકમોના વિસ્તરણ માટે મશીનરી અને સાધનો ખરીદવા, કેટલાક દેવાની ચુકવણી અને સામાન્ય કોર્પોરેટ જરૂરિયાતો માટે કરશે.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16