Life Insurance Sector: લાઇફ ઇન્શ્યોરન્સમાં વધશે કમાણીની તક, આગામી 3 વર્ષ ગ્રોથ ચાલુ રહેવાની શક્યતા

Centrum Brokingના રિસર્ચ રિપોર્ટ મુજબ ભારતના લાઇફ ઇન્શ્યોરન્સ સેક્ટરમાં આગામી ત્રણ વર્ષ દરમિયાન હેલ્ધી ગ્રોથ ચાલુ રહી શકે છે. રિપોર્ટમાં Q2FY27ના પ્રદર્શનને સકારાત્મક ગણાવવામાં આવ્યું છે અને ખાસ કરીને પ્રોડક્ટ મિક્સમાં સુધારો તથા VNB માર્જિનમાં વધારાને સેક્ટર માટે મહત્વના પોઝિટિવ ફેક્ટર ગણાવવામાં આવ્યા છે. બ્રોકરેજના અંદાજ મુજબ પ્રાઇવેટ લાઇફ ઇન્શ્યોરન્સ કંપનીઓ FY26થી FY29 દરમિયાન APEમાં 13%થી 18% CAGR નોંધાવી શકે છે.

Q2FY27માં APE ગ્રોથ 7%થી 16% વચ્ચે

બીજા ક્વાર્ટરમાં અલગ અલગ ઇન્શ્યોરન્સ કંપનીઓમાં APE ગ્રોથ 7%થી 16% વચ્ચે રહ્યો હતો. પ્રાઇવેટ લાઇફ ઇન્શ્યોરર્સના ગ્રોસ પ્રીમિયમમાં પણ વાર્ષિક ધોરણે 8%થી 16%નો વધારો નોંધાયો હતો. ન્યૂ બિઝનેસ પ્રીમિયમમાં પણ સારો ટ્રેન્ડ જોવા મળ્યો છે. ઈન્ડિવિઝ્યુઅલ અને ગ્રુપ ઈન્સ્યોરન્સ બંને સેગમેન્ટમાં નવા બિઝનેસમાં વધારો નોંધાયો છે.

પ્રોટેક્શન અને એન્યુઇટી તરફ વધી રહ્યો છે ફોકસ

લાઇફ ઇન્શ્યોરન્સ સેક્ટરમાં એક મહત્વનો બદલાવ પ્રોડક્ટ મિક્સમાં જોવા મળી રહ્યો છે. કંપનીઓ હવે પ્રોટેક્શન પ્લાન, નોન-પાર્ટિસિપેટિંગ સેવિંગ્સ પ્રોડક્ટ્સ અને એન્યુઇટી પ્રોડક્ટ્સ પર વધુ ફોકસ કરી રહી છે. બીજી તરફ માર્કેટમાં વધતી વોલેટિલિટીને કારણે Unit Linked Insurance Plans એટલે કે ULIP પરની નિર્ભરતા ઘટાડવાનો ટ્રેન્ડ જોવા મળી રહ્યો છે. રિપોર્ટ મુજબ આ બદલાવથી કંપનીઓને વધુ સ્થિર માર્જિન અને પ્રોફિટેબિલિટી મેળવવામાં મદદ મળી શકે છે.

એન્યુઇટી બની રહી છે મોટો ગ્રોથ ડ્રાઇવર

રિપોર્ટમાં એન્યુઇટીને સેક્ટર માટે મહત્વનો ગ્રોથ ડ્રાઇવર ગણાવવામાં આવ્યો છે. Guaranteed Returns અને Retirement Solutions માટે વધતી માંગને કારણે એન્યુઇટી પ્રોડક્ટ્સ તરફ ગ્રાહકોનો રસ વધી રહ્યો છે. સાથે જ કંપનીઓ પ્રોટેક્શન અને ઊંચા માર્જિનવાળા પ્રોડક્ટ્સ તરફ આગળ વધી રહી હોવાથી સમગ્ર પ્રોડક્ટ મિક્સ વધુ પ્રોફિટેબલ બની રહ્યો છે.

આ પણ વાંચો: છેલ્લા 6 મહિનામાં 11 પેની સ્ટોક્સ 84% સુધી તૂટ્યા: શું તમારા પોર્ટફોલિયોમાં છે આ શેર?

VNB માર્જિનમાં સુધારો

પ્રોડક્ટ મિક્સમાં આવેલા ફેરફારની સીધી અસર Value of New Business એટલે કે VNB માર્જિન પર જોવા મળી છે. H1FY27 દરમિયાન પ્રાઇવેટ ઇન્શ્યોરન્સ કંપનીઓના VNB માર્જિનમાં વાર્ષિક ધોરણે 10થી 170 બેસિસ પોઈન્ટનો સુધારો નોંધાયો હતો. આ સુધારા પાછળ પ્રોટેક્શન બિઝનેસમાં વૃદ્ધિ, અનુકૂળ પ્રોડક્ટ મિક્સ અને ઓપરેટિંગ લેવરેજ મહત્વના કારણ રહ્યા હતા. LICએ પણ પોતાના VNB માર્જિનમાં 470 બેસિસ પોઈન્ટનો વધારો નોંધાવ્યો અને તે વધીને 22.3% થયો.

Expense Ratio વધવું હજી પડકાર

સેક્ટર માટે તમામ પરિબળો સકારાત્મક નથી. Q2FY27 દરમિયાન ઘણી પ્રાઇવેટ ઇન્શ્યોરન્સ કંપનીઓના Expense Ratioમાં વધારો થયો હતો. ઊંચા ઓપરેંટિગ કોસ્ટ તેના મુખ્ય કારણ રહ્યા હતા. Persistency Trend પણ મિશ્ર રહ્યો હતો. મોટાભાગની કંપનીઓમાં 13-month persistencyમાં ઘટાડો જોવા મળ્યો હતો. Persistency એ દર્શાવે છે કે ગ્રાહકો સમય જતાં પોતાની ઇન્શ્યોરન્સ પોલિસી ચાલુ રાખે છે કે નહીં.

નવા નિયમો પર પણ નજર

રેગ્યુલેટરી ફ્રન્ટ પર ઇન્શ્યોરન્સ કંપનીઓએ પ્રસ્તાવિત નિયમોનું પાલન કરી શકવાની ક્ષમતા અંગે વિશ્વાસ વ્યક્ત કર્યો છે. જોકે અંતિમ નિયમો જાહેર થયા બાદ જ તેની સંપૂર્ણ અસર અંગે વધુ સ્પષ્ટતા મળશે. રિપોર્ટ મુજબ આગામી વર્ષોમાં પ્રોટેક્શન પ્રોડક્ટ્સની માંગ, એન્યુઇટી બિઝનેસ અને વિતરણનો વિસ્તાર લાઇફ ઇન્શ્યોરન્સ સેક્ટરની ગ્રોથ અને પ્રોફિટેબિલિટી માટે મહત્વના ડ્રાઇવર રહેશે.

આ પણ જુઓ

Watch onYouTube