KuberaNowLogo
Saturday, 21/11/2026
InstagramFacebookXYouTubeLinkedInWhatsAppTelegram
Background

Advertise With Us

Reach Millions. Build Your Brand

Gold ETFમાં રોકાણનો નવો રેકોર્ડ, 10 મહિનામાં ₹49,399 કરોડ ઠલવાયા

2025નો આખા વર્ષનો રેકોર્ડ તૂટ્યો, વૈશ્વિક અનિશ્ચિતતા, શૅરબજારમાં ભારે ઊથલ-પાથલ, ભૂ-રાજકીય તણાવ અને પોર્ટફોલિયો ડાયવર્સિફિકેશનથી સોનાની માગ વધી

Kuberanow DeskPublished On : 21 Nov 2026
Gold ETF21.png
AI Generated Image

વૈશ્વિક આર્થિક અનિશ્ચિતતા, શૅરબજારોમાં ઉતાર-ચઢાવ અને ભૂ-રાજકીય તણાવ વચ્ચે ભારતીય રોકાણકારોનું સોના તરફનું આકર્ષણ સતત વધી રહ્યું છે. તેનો અંદાજ ગોલ્ડ એક્સચેન્જ ટ્રેડેડ ફંડ (Gold ETF)માં આવેલા વિક્રમી રોકાણથી લગાવી શકાય છે. વર્ષ 2026ના પહેલા 10 મહિનામાં ગોલ્ડ ETFમાં કુલ રૂ. 49,399 કરોડનું શુદ્ધ રોકાણ આવ્યું છે. આ આંકડો સમગ્ર 2025માં આવેલા રૂ. 42,961 કરોડના રોકાણથી અંદાજે 15 ટકા વધુ છે.


એસોસિએશન ઓફ મ્યુચ્યુઅલ ફંડ્સ ઈન ઈન્ડિયા (AMFI)ના આંકડા મુજબ જાન્યુઆરીથી ઓક્ટોબર 2026 વચ્ચે ગોલ્ડ ETFમાં રોકાણે ગયા વર્ષનો સંપૂર્ણ રેકોર્ડ પાર કરી લીધો છે. વિશેષ વાત એ છે કે હજુ વર્ષના બે મહિના બાકી છે અને રોકાણનો આંકડો સતત વધીરહ્યો છે.

જાન્યુઆરીમાં આવ્યું સૌથી વધુ રોકાણ

Gold ETFમાં રોકાણની બાબતમાં જાન્યુઆરી 2026 સૌથી મજબૂત મહિનો રહ્યો. આ સમયમાં રોકાણકારોએ અંદાજે રૂ. 24,040 કરોડનું શુદ્ધ રોકાણ કર્યું છે, જે અગાઉના 10 મહિનાના કુલ રોકાણના લગભગ 49 ટકા જેટલું છે. ત્યાર પછી ફેબ્રુઆરીમાં રૂ. 5,255 કરોડ અને સપ્ટેમ્બરમાં રૂ. 4,451 કરોડનું રોકાણ આવ્યું. જોકે, ઓક્ટોબરમાં રોકાણની ગતિ થોડી ધીમી થઈ હતી, પરંતુ ગોલ્ડ ETFમાં કુલ રોકાણનો ટ્રેન્ડ સકારાત્મક રહ્યો.


સોનામાં રોકાણ વધ્યું

નિષ્ણાતો મુજબ દુનિયાભરમાં વધતી આર્થિક અનિશ્ચિતતા અને શૅરબજારોમાં અસ્થિરતાના કારણે રોકાણકારો તેમના પોર્ટફોલિયોમાં સોનાની ભાગીદારી વધારી રહ્યા છે. તેના કેટલાક મહત્વના કારણો પર નજર કરીએ તો વૈશ્વિક ભૂ-રાજકીય તણાવ અને આર્થિક અનિશ્ચિતતા, શૅરબજારોમાં વધતો ઉતાર-ચઢાવ, મોંઘવારી અને વ્યાજદરો અંગે અનિશ્ચિતતા, રોકાણ પોર્ટફોલિયોમાં જોખમને સંતુલિત કરવાનો પ્રયત્ન, સોનાને સુરક્ષિત રોકાણ વિકલ્પ તરીકે જોવાની પ્રવૃત્તિ મહત્વના છે. ગોલ્ડ ETFમાં સતત આવી રહેલું રોકાણ દર્શાવે છે કે રોકાણકાર હવે પોતાના વૈવિધ્યીકરણ અને મલ્ટી-એસેટ પોર્ટફોલિયોમાં સોનાને લાંબાગાળાના રોકાણ વિકલ્પ તરીકે સામેલ કરવામાં વધુ રસ દર્શાવી રહ્યા છે.


સોનાના ભાવમાં ઘટાડા છતાં રોકાણ યથાવત્

રસપ્રદ વાત એ છે કે સોનાના ભાવમાં વિક્રમી ઊંચાઈએથી ઘટાડા છતાં ગોલ્ડ ETFમાં રોકાણનો ટ્રેન્ડ મજબૂત બનેલો છે. ફોર્ચ્યુન ઈન્ડિયાના ઓક્ટોબર રિપોર્ટ મુજબ જાન્યુઆરીથી સપ્ટેમ્બર 2026 દરમિયાન ગોલ્ડ ETFમાં રૂ. 45,925 કરોડનું રોકાણ આવ્યું હતું, જ્યારે આ સમયમાં સોનાના ભાવમાં જાન્યુઆરીના વિક્રમી સ્તરેથી અંદાજે 22 ટકા સુધીનો ઘટાડો નોંધાયો હતો. તેનાથી સંકેત મળે છે કે રોકાણકારો માત્ર ભાવમાં તેજીના આધારે જ નહીં પરંતુ પોર્ટફોલિયોમાં વિવિધતા લાવવાના આશયથી પણ સોનામાં રોકાણ કરી રહ્યા છે.


ગોલ્ડ અને સિલ્વર ETFમાં લોકોનો રસ વધ્યો

ઓક્ટોબરમાં ગોલ્ડ અને સિલ્વર ETF સાથે કુલ રૂ. 6,566 કરોડનું રોકાણ આવ્યું છે, તેમાં સિલ્વર ETFની ભાગીદારી પણ ઉલ્લેખનીય રહી. સિલ્વર ETFમાં ઓક્ટોબર દરમિયાન રૂ. 3,092 કરોડનું રોકાણ આવ્યું. તેનાથી સ્પષ્ટ થાય છે કે રોકાણકાર કિંમતી ધાતુઓને પોતાના રોકાણ પોર્ટફોલિયોનો મહત્વપૂર્ણ હિસ્સો બનાવી રહ્યા છે.


રોકાણકારો માટે સંકેત

નિષ્ણાતોનું માનવું છે કે ગોલ્ડ ETFમાં વિક્રમી રોકાણ સોનાની વધતી લોકપ્રિયતા દર્શાવે છે. જોકે, રોકાણનો વધતો આંકડો એ બાબતની ગેરેન્ટી નથી કે આગામી સમયમાં સોનાના ભાવ પણ સતત વધશે. ગોલ્ડ ETFનું રિટર્ન ઘરેલુ બજારમાં સોનાના ભાવના ઉતાર-ચઢાવ પર નિર્ભર કરે છે. તેથી રોકાણકારોએ માત્ર વર્તમાન રોકાણના આંકડા જોઈને નિર્ણય લેવો જોઈએ નહીં. એકંદરે 2026માં ગોલ્ડ ETF ભારતીય રોકાણકારોના પસંદગીના રોકાણ વિકલ્પોમાં સામેલ થયું છે. વૈશ્વિક અનિશ્ચિતતા અને શૅરબજારોમાં અસ્થિરતા વચ્ચે સોનામાં વધતું રોકાણ દર્શાવે છે કે રોકાણકાર તેમના પોર્ટફોલિયોમાં સુરક્ષા અને વિવિધતાને અગાઉ કરતાં વધુ મહત્વ આપી રહ્યા છે.


આ પણ જૂઓ

Disclaimer - અહીં આપવામાં આવેલી માહિતી માત્ર જાણકારી અને શૈક્ષણિક હેતુ માટે છે. તેને કોઈપણ શેર, સિક્યોરિટી અથવા નાણાકીય પ્રોડક્ટ ખરીદવા કે વેચવાની સલાહ અથવા ભલામણ તરીકે ન ગણવી. રોકાણ બજારના જોખમોને આધીન છે. કોઈપણ રોકાણ અથવા નાણાકીય નિર્ણય લેતા પહેલાં તમારી નાણાકીય સ્થિતિ, રોકાણના હેતુ અને જોખમ લેવાની ક્ષમતાનું મૂલ્યાંકન કરો અને અધિકૃત નાણાકીય સલાહકારની સલાહ લો.

Share Link
WhatsAppFacebookXLinkedIn

Also Read

ITR Filing

ઓડિટેડ રિટર્ન ફાઇલ ભરવાની 21 નવેમ્બર અંતિમ તારીખ,ચૂક્યા તો દંડ થશે

Post Office Savings Account Rules 2026

પોસ્ટ ઓફિસમાં ખાતું છે? ₹500થી ઓછું બેલેન્સ હશે તો લાગશે ચાર્જ, TDS સહિત 6 નવા નિયમો

Kotak and Bandhan Mutual Fund Launch New Index NFOs

Kotak અને Bandhan Mutual Fund લાવ્યા 2 નવા NFO, રોકાણ કરતા પહેલા જાણી લો આ જોખમ

Post Office Time Deposit vs Recurring Deposit Guide

પોસ્ટ ઓફિસની આ 2 યોજનાઓ આપે છે 7.5% સુધીનું ગેરંટીકૃત વ્યાજ અને ટેક્સ બેનિફિટ, જાણો વિગત

EPFO SWP Facility Approved, Monthly PF Income Explained

EPFO ની નવી SWP સુવિધા: નિવૃત્તિ પછી દર મહિને ₹68,750 સુધીની કમાણીની તક, સમજો ગણિત

EPFO

EPFO New Rules 2026: PFમાંથી 90% સુધી રકમ ઉપાડવાની મંજૂરી, જાણો નવા નિયમો ક્યારથી લાગુ થશે

Gold ETF

સોનું 25% સસ્તું, છતાં Gold ETFમાં ₹49,399 કરોડનું રોકાણ; રોકાણકારોને કેમ છે ETF પર ભરોસો

Health Insurance Claim Tracking

હેલ્થ ઇન્શ્યોરન્સ ધારકોને રાહત!, ક્લેમ ક્યાં અટક્યો અને કેમ નામંજૂર થયો તે જાણવું બનશે સરળ