KuberaNowLogo
Saturday, 21/11/2026
InstagramFacebookXYouTubeLinkedInWhatsAppTelegram
Background

Advertise With Us

Reach Millions. Build Your Brand

વિદેશમાં કમાણી કરતા ભારતીયો માટે સારા સમાચાર: RBIએ દૂર કરી મોટી અડચણ, જાણો નવા નિયમો

વિદેશી ક્લાયન્ટ માટે કામ કરીને કમાણી કરતા ભારતીય ફ્રીલાન્સર્સ અને સ્વતંત્ર પ્રોફેશનલ્સ માટે રિઝર્વ બેન્ક ઓફ ઇન્ડિયા (RBI)એ રાહત આપી છે. હવે વિદેશથી સર્વિસના બદલામાં 10 લાખ રૂપિયાથી વધુ રકમ મળે તો પણ વ્યક્તિગત ફ્રીલાન્સર્સને અલગથી Export Declaration Form (EDF) ભરવાની જરૂર નહીં પડે. જોકે, વિદેશથી મળતા પૈસાની જરૂરી માહિતી બેન્કને આપવી ફરજિયાત રહેશે.

Kuberanow DeskPublished On : 21 Nov 2026
RBI Forex Rules 2026
RBI Forex RulesAI Image

RBI Forex Rules 2026: વિદેશમાં બેઠેલા ક્લાયન્ટ્સ માટે કામ કરીને ડોલર અથવા અન્ય વિદેશી ચલણમાં કમાણી કરતા ભારતીયો માટે સારા સમાચાર છે. ભારતીય રિઝર્વ બેન્કે વિદેશી પેમેન્ટ સંબંધિત નિયમોમાં સ્પષ્ટતા કરી છે. નવા નિયમો મુજબ, ભારતમાં રહેતા વ્યક્તિગત ફ્રીલાન્સર્સ અને સ્વતંત્ર પ્રોફેશનલ્સને પોતાની સેવાઓના બદલામાં વિદેશથી પૈસા મેળવવા માટે અલગથી Export Declaration Form (EDF) ભરવાની જરૂર નહીં પડે. આ રાહત 10 લાખ રૂપિયાથી વધુની ચુકવણી પર પણ મળશે.


કયા ફ્રીલાન્સર્સને મળશે લાભ?

RBIના નવા નિયમોથી વિદેશી ગ્રાહકોને સેવાઓ આપતા વ્યક્તિગત પ્રોફેશનલ્સને ફાયદો થશે. તેમાં ગ્રાફિક ડિઝાઇનિંગ, કન્ટેન્ટ રાઇટિંગ, સોફ્ટવેર ડેવલપમેન્ટ, ડિજિટલ માર્કેટિંગ અને કન્સલ્ટિંગ જેવા ક્ષેત્રોમાં કામ કરતા લોકોનો સમાવેશ થાય છે. આ વ્યક્તિઓ પોતાની અધિકૃત બેન્કને વિદેશી ચુકવણીની જરૂરી વિગતો આપશે ત્યારે તેમનું EDF જમા થયેલું માનવામાં આવશે. એટલે અલગથી ફોર્મ ભરવાની પ્રક્રિયા કરવાની જરૂર નહીં પડે.


₹12 લાખ વિદેશથી મળે તો પણ EDF નહીં ભરવું પડે!

RBIએ સ્પષ્ટ કર્યું છે કે વ્યક્તિગત સર્વિસ એક્સપોર્ટર્સ માટે આ છૂટની કોઈ મહત્તમ નાણાકીય મર્યાદા નક્કી કરવામાં આવી નથી. જેમ કે, કોઈ ભારતીય ફ્રીલાન્સરને વિદેશી ક્લાયન્ટ પાસેથી 12 લાખ રૂપિયા મળે તો પણ તેણે અલગથી EDF ભરવાનું રહેશે નહીં. જોકે, આ છૂટ ફક્ત પાત્ર વ્યક્તિગત સર્વિસ એક્સપોર્ટર્સ માટે છે.


કંપનીઓ અને પાર્ટનરશિપ ફર્મ માટે અલગ નિયમ

કંપનીઓ, પાર્ટનરશિપ ફર્મ અને અન્ય બિઝનેસ સંસ્થાઓ માટે 10 લાખ રૂપિયાની મર્યાદા લાગુ પડે છે. જો આવી સંસ્થાને એક વિદેશી ચુકવણીમાં 10 લાખ રૂપિયાથી વધુ રકમ મળે તો EDF ભરવું પડશે. આ મર્યાદા દરેક અલગ વિદેશી ચુકવણી માટે લાગુ પડે છે, વાર્ષિક કુલ આવક માટે નહીં.


બેન્કને કઈ માહિતી આપવી પડશે?

અલગ EDF ભરવાની છૂટનો અર્થ વિદેશી ચુકવણીની વિગતો આપવાથી મુક્તિ નથી. ફ્રીલાન્સર્સે બેન્કને પૈસા મોકલનાર ક્લાયન્ટની માહિતી, આપેલી સેવાનો પ્રકાર, ચુકવણીની રકમ અને વ્યવહારનો હેતુ જણાવવો પડશે. જરૂર પડે તો બેન્ક ઇનવોઇસ અથવા કોન્ટ્રાક્ટ જેવા દસ્તાવેજો પણ માગી શકે છે. બેન્કિંગ, ફોરેક્સ અને આવકવેરાના અન્ય નિયમોનું પાલન પહેલાની જેમ જરૂરી રહેશે.


જૂના ઇનવોઇસ માટે શું નિયમ?

નવા ફોરેક્સ નિયમો પહેલી ઓક્ટોબર, 2026થી અમલમાં આવ્યા છે. આ તારીખ પહેલાં શરૂ થયેલા વ્યવહારો માટે સામાન્ય રીતે અગાઉના નિયમો લાગુ પડશે. જોકે, RBIએ સ્પષ્ટ કર્યું છે કે પહેલી ઓક્ટોબર પહેલાં સર્વિસનું ઇનવોઇસ બનાવ્યું હોય અને ચુકવણી પહેલી ઓક્ટોબર કે ત્યારબાદ મળે તો પણ પાત્ર વ્યક્તિગત સર્વિસ એક્સપોર્ટરને અલગ EDF ભરવાની જરૂર નહીં પડે. આ ઉપરાંત અગાઉ RBIની મંજૂરી જરૂરી હોય તેવા કેટલાક જૂના વ્યવહારો માટે હવે અધિકૃત બેન્કોને મંજૂરી આપવાની સત્તા આપવામાં આવી છે.


ફ્રીલાન્સર્સને શું ફાયદો થશે?

આ ફેરફારથી વિદેશી ગ્રાહકો સાથે કામ કરતા વ્યક્તિગત ફ્રીલાન્સર્સ માટે કાગળકામ અને નિયમનકારી પ્રક્રિયા સરળ બનશે. ખાસ કરીને નાની સ્વતંત્ર સેવાઓથી લઈને મોટી રકમના પ્રોજેક્ટ પર કામ કરતા પ્રોફેશનલ્સને અલગ EDF ફાઇલિંગમાંથી રાહત મળશે. જોકે, વિદેશી કમાણી સંપૂર્ણપણે ટેક્સમુક્ત થઈ ગઈ છે એવો તેનો અર્થ નથી. લાગુ પડતા આવકવેરા અને વિદેશી મુદ્રા સંબંધિત નિયમો યથાવત્ રહેશે.

આ પણ વાંચો: શ્રીલંકાની તેજીથી ભારતમાં મરીના ભાવમાં ઉછાળો, આગામી સિઝનમાં પાક ઓછો રહેવાની આશંકા


Share Link
WhatsAppFacebookXLinkedIn

Also Read

Aamir Khan Luxury Apartment

આમિર ખાને મુંબઈમાં ભાડે લીધા 3 આલીશાન ફ્લેટ! મહિનાનું ભાડું જાણીને ચોંકી જશો

Black Pepper Price India

શ્રીલંકાની તેજીથી ભારતમાં મરીના ભાવમાં ઉછાળો, આગામી સિઝનમાં પાક ઓછો રહેવાની આશંકા

Star Health Insurance News

હેલ્થ ઇન્શ્યોરન્સ ક્લેમ રિજેક્ટ કરવો પડ્યો ભારે, આ ઇન્શ્યોરન્સ કંપનીને IRDAIએ ₹2 કરોડનો દંડ ફટકાર્યો

Adani Defence Bagheera AT1 Missile

અદાણી ડિફેન્સની સફળતા! પોખરણમાં 4 એન્ટી-ટેન્ક મિસાઇલનું સફળ પરીક્ષણ, જાણો શું છે તેની ખાસિયતો

 Logitech MX Master 4

Logitechનું નવું સ્માર્ટ માઉસ ભારતમાં લોન્ચ! આંગળીના ઇશારે થશે અનેક કામ

UGC.png

UGCની મોટી ચેતવણી : 12 રાજ્યોમાં 32 નકલી યુનિવર્સિટીઓ

Huawei Watch Air

Apple Watchને ટક્કર આપવા આવી રહી 'Huawei Watch Air', 7 દિવસની બેટરી બનશે ખાસિયત

AI Cyber Attack India

બેન્કો અને પેમેન્ટ કંપનીઓ પર AIથી સાયબર હુમલા, પાડોશી દેશ સાથે જોડાયેલા હેકિંગ ટૂલ્સનો ઉપયોગ