FD રોકાણકારો માટે સારા સમાચાર! આ બેન્કે FD પર વધાર્યું વ્યાજ, જાણો હવે કેટલું વ્યાજ મળશે?

ઈન્ડિયન ઓવરસિઝ બેન્કે 444 દિવસની FDના વ્યાજદરમાં 15 બેસીસ પોઈન્ટ સુધીનો વધારો કર્યો છે. બેન્કની એસેટ લિયાબિલીટી કમિટીની સમીક્ષા બાદ નવા દર 10 નવેમ્બર 2026થી લાગુ કરવામાં આવ્યા છે. ₹3 કરોડથી ઓછી 444 દિવસની કોલબલ FD પર વ્યાજદર 6.60%થી વધારીને 6.75% કરવામાં આવ્યો છે. સાથે જ NRE FDનો દર પણ 6.60%થી વધારીને 6.75% કરવામાં આવ્યો છે.

Non-Callable FD પર હવે 6.85% વ્યાજ

444 દિવસની નોન-કોલેબલ FD પર વ્યાજદર 6.75%થી વધારીને 6.85% કરવામાં આવ્યો છે. આ યોજના ₹1 કરોડથી વધુની ડિપોઝીટ માટે ઉપલબ્ધ છે. સિનિયર સિટીઝનને આ ડિપોઝીટ પર વધારાના 0.50% સાથે 7.35% વ્યાજ મળશે, જ્યારે 80 વર્ષ અથવા તેથી વધુ ઉંમરના સુપર સિનિયર સિટીઝનને 0.75% વધારાના વ્યાજ સાથે 7.60% સુધીનો દર મળશે.

સિનિયર સિટીઝનને 7.25% વ્યાજ

60 વર્ષ અથવા તેથી વધુ ઉંમરના સિનિયર સિટીઝનને 444 દિવસની કોલેબલ FD પર સામાન્ય દર કરતાં 0.50% વધુ વ્યાજ મળશે. આ રીતે તેમનો વ્યાજદર 7.25% થાય છે. સુપર સિનિયર સિટીઝન એટલે કે 80 વર્ષ અથવા તેથી વધુ ઉંમરના ગ્રાહકોને 0.75% વધારાનો લાભ મળશે અને તેમને 7.50% વ્યાજ મળશે.

નવા વ્યાજદર કેટલા?

₹1 લાખની FD પર કેટલી કમાણી?

રિપોર્ટમાં આપવામાં આવેલા ઉદાહરણ મુજબ ₹1 લાખનું રોકાણ કરનાર સામાન્ય ગ્રાહકને 444 દિવસમાં આશરે ₹7,000નું વ્યાજ મળી શકે છે. સિનિયર સિટીઝનને લગભગ ₹7,500 અને સુપર સિનિયર સિટીઝનને લગભગ ₹7,800 જેટલું વ્યાજ મળી શકે છે.

₹3 લાખના રોકાણ પર કેટલું વ્યાજ?

₹3 લાખનું રોકાણ કરનાર સામાન્ય ગ્રાહકને અંદાજે ₹20,600 જેટલું વ્યાજ મળી શકે છે. સિનિયર સિટીઝન માટે આ કમાણી લગભગ ₹22,400 અને સુપર સિનિયર સિટીઝન માટે લગભગ ₹23,200 સુધી જઈ શકે છે.

₹5 લાખની FD પર કેટલી કમાણી?

₹5 લાખની FD પર સામાન્ય રોકાણકારને આશરે ₹34,200નું વ્યાજ મળી શકે છે. સિનિયર સિટીઝનને લગભગ ₹37,300 અને સુપર સિનિયર સિટીઝનને લગભગ ₹38,600 જેટલું વ્યાજ મળી શકે છે. નોંધનીય છે કે રિપોર્ટના આ ગણતરીના ઉદાહરણોમાં સામાન્ય ગ્રાહક માટે 6.67%નો દર દર્શાવવામાં આવ્યો છે, જ્યારે બેન્કનો સુધારેલો Callable FD દર 6.75% જણાવાયો છે. તેથી થાપણની વાસ્તવિક પરિપક્વતા રકમના પ્રકાર, લાગુ દર અને કમ્પાઉન્ડિગ પ્રમાણે થોડો અલગ હોઈ શકે છે.

અન્ય FD Tenureના દરમાં ફેરફાર નહીં

Indian Overseas Bankએ સ્પષ્ટ કર્યું છે કે Callable, Non-Callable, NRE અને NRO Retail Term Depositsની અન્ય maturity periodના વ્યાજદરમાં કોઈ ફેરફાર કરવામાં આવ્યો નથી. ફેરફાર માત્ર 444 દિવસની પસંદગીની FD પર કરવામાં આવ્યો છે.

આ પણ જુઓ

Watch onYouTube